طبی سامان میں قینچی، اسرائیل نے امدادی ٹرکوں کو غزہ میں داخل ہونے سے روک دیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

فلسطینی پناہ گزینوں کے لیے اقوام متحدہ کے ادارے کا کہنا ہے کہ غزہ کے لیے امدادی سامان سے لدے ایک ٹرک کو اسرائیلی حکام نے واپس بھیج دیا۔

عرب نیوز کے مطابق فلسطینی پناہ گزینوں کی مدد کے لیے قائم ادارے یو این آر ڈبلیو اے کے سربراہ نے بتایا کہ غزہ کے لیے سامان سے لدے ٹرک کو اس لیے واپس بھیجا گیا کیونکہ طبی کٹس کے اندر قینچی موجود تھی۔

اقوام متحدہ کی ریلیف اینڈ ورکس ایجنسی کے کمشنر جنرل فلپ لازارینی نے اسرائیل پر ضروری طبی سامان روکنے کا الزام عائد کیا ہے۔
انہوں نے کہا کہ اسرائیلی فوج نے بےہوشی کی ادویات اور پانی صاف کرنے والی گولیوں جیسی اشیاء پر اس لیے پابندی لگائی کیونکہ ان کا ’دوہرا استعمال‘ ممکن ہے اور عسکریت پسند اسے دوبارہ اپنے استعمال میں لا سکتے ہیں۔
امدادی تنظیموں نے اسرائیلی حکام کی جانب سے رمضان کے دوران افطار میں کھائی جانے والی کھجوروں کی (ترسیل کی) اجازت دینے سے انکار پر بھی خدشات کا اظہار کیا ہے۔

مقبول خبریں اہم خبریں

مقبول خبریں