کثیر لسانی مدد نے مدینہ منورہ میں عمرہ زائرین کے ہموار داخلے کو یقینی بنا دیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

مدینہ منورہ کے شہزادہ محمد بن عبدالعزیز ہوائی اڈے پر پاسپورٹ کا جنرل ڈائریکٹوریٹ اس سال رمضان المبارک کے دوران عمرہ ادا کرنے والوں کے لیے مؤثر داخلے کو یقینی بنا رہا ہے۔

ڈائریکٹوریٹ نے ایک جامع حکمتِ عملی کا آغاز کیا ہے جس میں جدید ٹیکنالوجی اور اعلیٰ تربیت یافتہ اہلکار شامل ہیں تاکہ مملکت میں حجاج کے داخلے کو آسان بنایا جا سکے۔

ہموار شناخت کے لیے بائیو میٹرک آلات کے ساتھ ساتھ حفاظتی دستاویزات کے آلات اور موبائل کاؤنٹرز بھی تعینات کیے گئے ہیں۔

ترجمے کے آلات دنیا بھر کے ممالک کے عازمینِ عمرہ کو سعودی سرحدی اہلکاروں سے 137 زبانوں میں بات چیت کرنے میں مدد دے سکتے ہیں۔ داخلی مقامات پر کثیر لسانی استقبالیہ ٹیمیں بھی حجاج کو مدد فراہم کر رہی ہیں۔

جنرل ڈائریکٹوریٹ آف پاسپورٹ نے عمرہ کرنے والوں کو آمد کے ضوابط اور ہدایات پر عمل کرنے کی اہمیت کی یاد دہانی کرائی ہے۔ مسافروں کی حوصلہ افزائی کی جاتی ہے کہ وہ داخلے کے مقامات پر پاسپورٹ کے عملے سے کسی بھی سوال جواب کے لیے مدد لیں یا 24/7 یونیفائیڈ کال سینٹر (992) پر کال کریں۔

دریں اثناء وزارتِ داخلہ کے ماتحت ڈائریکٹوریٹ نے وزارتِ ثقافت کے تعاون سے رمضان سیزن کے لیے ایک خصوصی پاسپورٹ ٹکٹ کی نقاب کشائی کی ہے۔ یہ ٹکٹ مقدس مہینے کے بھرپور ثقافتی ورثے، رسوم و رواج اور روایات کا اظہار کرتا ہے۔

جدہ کے شاہ عبدالعزیز بین الاقوامی ہوائی اڈے اور دمام کے شاہ فہد بین الاقوامی ہوائی اڈے سے گذرنے والے مسافر پورے رمضان میں ٹکٹ وصول کر سکتے ہیں۔

مقبول خبریں اہم خبریں

مقبول خبریں