سلطنت عمان میں بارش کا نیا سپل، شہریوں کو گھروں میں رہنے کی ہدایت

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

سلطنت عمان میں گذشتہ ایام میں شدید بارشوں اور سیلاب سے تباہی کےبعد بارش کے ایک اور سپل کی پیش گوئی کے بعد شہریوں کو گھروں میں رہنے کو کہا گیا ہے۔

عمان پولیس ایوی ایشن نے منگل کی شام ریاست شناس کے لوگوں کو خبردار کیا ملک میں مسلسل کم درجہ حرارت کے ساتھ بارش کا ایک نیا سپل آ رہا ہے۔

یہ الرٹ اس وقت سامنے آیا ہے جب سلطنت میں بارش کی صورتحال جاری ہے۔ سوشل میڈیا پربارش اور سیلاب کی خوفناک کیفیت پر مبنی ویڈیوز دیکھی جا سکتی ہیں جن میں سیلابی ریلے سڑکوں کو بہا لے جا رہے ہیں۔ کئی جگہ پر گاڑیاں سیلابی ریلے میں ڈوب گئیں۔

عمانی ایمرجنسی ڈیپارٹمنٹ نے ملک میں جاری بارشوں کی وجہ سے بدھ کو ظفار اور الوسطیٰ کے علاوہ تمام گورنریوں میں اسکول بند کرنے کا اعلان کیا ہے۔

حکام نے دارالحکومت مسقط سے تقریباً 150 کلومیٹر کے فاصلے پر ملک کے مشرق میں واقع شمالی الشرقیہ گورنری میں گاڑیوں کے بہنے کے نتیجے میں 9 طلباء سمیت کم از کم 18 افراد کی موت کی تصدیق کی ہے۔

عمان میں وزارت تعلیم نے بچوں کی ہلاکت کی تصدیق کی۔ یہ واقعہ اس وقت پیش آیا جب سیلاب نے بچوں کو لے جانے والی کئی گاڑیوں کو ڈبو دیا۔ ابھی تک کئی طلبہ اور دیگر شہری لاپتہ ہیں۔

مقبول خبریں اہم خبریں

مقبول خبریں