دبئی کسٹمز نے ہوائی اڈے سے 4.2 کلو چرس سمگل کرنے کی کوشش ناکام بنا دی، خاتون گرفتار

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

حکام نے ایک بیان میں کہا کہ دبئی کسٹمز نے ایک خاتون کو گرفتار کیا جو ہوائی اڈے سے 4.2 کلوگرام چرس سمگل کرنے کی کوشش کر رہی تھی۔ چرس کی کھیپ اس کے سامان میں گاڑی کے انجن کے ایئر فلٹر کے ڈبوں میں چھپائی گئی تھی۔

سمگلنگ کی یہ کوشش اس وقت سامنے آئی جب کسٹمز کے انسپکٹرز کو ایک افریقی مسافر کے سامان میں موجود مواد پر شبہ ہوا اور انہوں نے سامان کو معائنہ کے لیے قبضے میں لے لیا۔

پیسنجر آپریشن ڈیپارٹمنٹ کے قائم مقام ڈائریکٹر خالد احمد نے بیان میں کہا، "دبئی کسٹمز کے افسر نے ایک افریقی ملک سے آنے والی پرواز میں مشکوک سامان دیکھا۔"

تلاشی کے دوران افسران کو سامان میں چھپے ہوئے ڈبوں کا پتا چلا جس پر انہوں نے فوراً مکمل جانچ پڑتال کی۔ اس طرح بالآخر غیر قانونی مادوں کا انکشاف ہوا۔

انہوں نے مزید کہا، "اس کے بعد افسر نے روانگی کے گیٹ کے قریب معائنہ کے مقام پر موجود کسٹم حکام کو الرٹ کر دیا جنہوں نے بیگ کی مالک کو روکا جس کے نتیجے میں سامان کا دستی معائنہ کیا گیا اور منشیات ضبط کر لی گئی۔"

مسافر کو ضبط شدہ منشیات کے ہمراہ دبئی پولیس جنرل ڈائریکٹوریٹ فار نارکوٹکس کنٹرول کے حوالے کر دیا گیا جو اس کے خلاف قانونی کارروائی کرے گا۔

مقبول خبریں اہم خبریں

مقبول خبریں