.

42813 پاکستانیوں کا ایک ساتھ قومی ترانہ پڑھنے کا عالمی ریکارڈ

بھارت میں 15 ہزار افراد نے بیک وقت ترانہ پڑھا تھا

پہلی اشاعت: آخری اپ ڈیٹ:
پاکستان میں صوبہ پنجاب کے صدر مقام لاہور کے نیشنل ہاکی اسٹیڈیم میں 42 ہزار 813 افراد نے ایک ساتھ قومی ترانہ پڑھنے کا عالمی ریکارڈ قائم کر دیا۔ گنیز بک آف ورلڈ ریکارڈ نے پاکستان کو سرٹیفکیٹ دے دیا۔

لاہور کے نیشنل ہاکی اسٹیڈیم میں گنیز بک آف ورلڈ ریکارڈ کے نمائندے گیرتھ ڈیوز نے اعلان کرتے ہوئے بتایا کہ 42 ہزار 813 پاکستانیوں نے ایک ساتھ قومی ترانہ پڑھ کر نیا عالمی ریکارڈ قائم کیا ہے۔ اس موقع پر انھوں نے اردو میں کہاکہ آپ نے ورلڈ ریکارڈ بنا دیا۔ گیرتھ ڈیوز نے بتایا کہ اس سے قبل بھارت میں 15 ہزار افراد نے ایک ساتھ قومی ترانہ پڑھا تھا۔

پنجاب اسپورٹس بورڈ کے زیر اہتمام یوتھ فیسٹیول کی افتتاحی تقریب میں ہزاروں افراد نے ایک ساتھ قومی ترانہ پڑھا۔ تقریب میں وزیر اعلٰی پنجاب شہباز شریف، معروف سنگر علی ظفر، کھلاڑیوں، طلبہ و طالبات سمیت مختلف شعبوں سے تعلق رکھنے والے افراد نے شرکت کی۔