.

کیمبرج کے امتحان میں پاکستانی طالب علم کا شاندار عالمی ریکارڈ

ہارون طارق نے 'او' اور 'اے' لیولز میں 47 اے گریڈ حاصل کئے

پہلی اشاعت: آخری اپ ڈیٹ:

پاکستانی طالبعلم، ہارون طارق نے، انٹرنیشنل جنرل سرٹیفیکیٹ آف سیکنڈری ایجوکیشن کے تحت یونیورسٹی آف کیمبرج انٹرنیشنل ایگزامنیشن میں 'او' اور 'اے لیول' امتحانات میں 47 'اے' گریڈ لے کر نیا عالمی ریکارڈ قائم کیا۔

ان کے اہم مضامین میں آرٹس اور سائنس، دونوں ہی شامل ہیں جن میں انسان اور سماجی حیاتیات، اسلامیات اور کلچر، فزکس، کیمسٹری اور عالمی ترقی وغیرہ اہم مضامین ہیں۔ ہارون طارق فروبل انٹرنیشنل سکول سے تعلق رکھتے ہیں اور ان کے اس کارنامے سے پاکستان عالمی سطح پر اُبھر کر آیا ہے۔

اس سے قبل O لیولز میں 28 اے کا عالمی ریکارڈ تھا جو ایک اور پاکستانی طالبعلم زوہیب اسد نے قائم کیا تھا۔ لیکن اب ہارون طارق نے او لیولز میں 38 اے حاصل کئے ہیں اور مجموعی طور پر 'او' اور 'اے' لیولز میں 47 'اے گریڈ' حاصل کئے ہیں۔

ہارون نے اپنی کامیابی کے حوالے سے معاصر عزیز ڈان سے گفتگو میں بتایا کہ انہوں نے O اور A لیولز کی تین سالہ تعلیم میں 50 مختلف مضامین پڑھے ہیں۔ انہوں نے بتایا کہ 47 اے حاصل کرنا آسان نہ تھا کیونکہ انہوں نے فرنچ اور اسپینش زبانیں بھی پڑھی تھیں۔

ہارون طارق مستقبل میں انجینیئرنگ پڑھنا چاہتے ہیں تاہم انہوں نے اب تک فیصلہ نہیں کیا کہ وہ سافٹ ویئر انجینیئرنگ یا ایروناٹیکل انجینیئرنگ کی تعلیم میں سے کس کا اعتراف کریں۔ طارق کے مطابق ان کے ٹیچرز نے ان پر بھرپور توجہ دی تھی اور وہ پڑھائی پر بہت توجہ دیتے تھے۔

سکول کی پرنسپل شامیما کمال نے اپنے ہونہار شاگرد ہارون کی شاندار کامیابی پر کہا: ’کل کے قابل افراد کی تیاری میں اپنے اہم کردار پر مجھے فخر ہے۔" دوسری جانب امتحانات کی ہیڈ سحر پیرزادہ نے کہا کہ ہمارے طالبعلم تعلیمی میدان میں عالمی ریکارڈ قائم کررہے ہیں۔