نئی دہلی:پاکستانی ہائی کمیشن کو دھمکی آمیز خط موصول

بھارت سے ہائی کمیشن اور سفارتی عملے کی سکیورٹی بڑھانے کا مطالبہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

بھارت کے دارالحکومت نئی دہلی میں پاکستان کے ہائی کمیشن کو ایک دھمکی آمیز خط موصول ہوا ہے جس میں ہائی کمشنر عبدالباسط اور سفارتی عملے کے دوسرے ارکان کو دھمکیاں دی گئی ہیں۔پاکستان نے اس دھمکی آمیز خط کے بعد بھارت سے ہائی کمیشن کی سکیورٹی بڑھانے کے لیے کہا ہے۔

بھارتی اخبار ٹائمز آف انڈیا نے بھارتی حکومت کے ایک ذریعے کے حوالے سے اس خط کی تصدیق کی ہے اور ایک رپورٹ میں بتایا ہے کہ پاکستانی ہائی کمیشن کو یہ خط چند روز قبل موصول ہوا تھا اور اس میں سفارتی عملے کو سنگین دھمکیاں دی گئی تھیں۔

پاکستانی سفارتی عملے نے منگل کو اسلام آباد میں وزارت خارجہ کو اس معاملے سے آگاہ کیا ہے جس کے بعد پاکستان نے بھارتی حکام کے ساتھ یہ معاملہ اٹھایا ہے اور اس خط کی تحقیقات کا مطالبہ کیا ہے تاکہ اس خط کو بھیجنے کے ذمے دار عناصر کا پتا چلایا جاسکے۔

اسلام آباد میں سرکاری ذرائع کا کہنا ہے کہ نئی دہلی میں پاکستانی ہائی کمیشن اور وہاں تعینات عملے کے تحفظ کو یقینی بنانا بھارت کی ذمے داری ہے۔

مقبول خبریں اہم خبریں

مقبول خبریں