.

پاکستان میں طالبان کے ٹھکانوں پر فضائی حملے

وادی تیراہ میں کی جانے والی کارروائی میں 15 مشتبہ دہشت گرد ہلاک

پہلی اشاعت: آخری اپ ڈیٹ:

کراچی کے بین الاقوامی ہوائی اڈے پر حملے کے ایک ہی روز بعد پاکستان کے سیکیورٹی اداروں نے قبائلی علاقے سے متصل اضلاع میں جنگجووں کی متعدد ٹھکانوں کو نشانہ بنایا جس میں کم سے کم پندرہ مبینہ دہشت گردوں کے ہلاک ہونے کی اطلاع ہے۔

ایک فوجی ترجمان کے مطابق فضائی حملے میں ائر فورس کے لڑاکا طیاروں نے دہشت گردوں کے نو ٹھکانوں کو نشانہ بنا کر تباہ کیا۔ یہ حملے پیر کی شب ملک کے سب سے بڑے شہر کراچی کے ہوائی اڈے پر دہشت گردوں کی کارروائی میں تیس افراد کی ہلاکت کے بعد کی گئی۔

نیم قبائلی علاقے خیبر ایجنسی کی شورش زدہ وادی تیراہ میں کی جانے والی فوجی کارروائی میں مرنے والوں کی تعداد کی تصدیق کسی آزاد ذریعے سے نہیں ہو سکی۔