.

ٹوبہ ٹیک سنگھ: زہریلی شراب پینے کے نتیجے میں 30 افراد ہلاک

پہلی اشاعت: آخری اپ ڈیٹ:

پاکستانی صوبے پنجاب کے ضلع ٹوبہ ٹیک سنگھ میں زہریلی شراب پینے کے نتیجے میں کم ازکم 30 افراد ہلاک ہوگئے جبکہ 50 سے زائد افراد کو مختلف ہسپتالوں میں علاج کے لئے منتقل کر دیا گیا ہے۔

مقامی انتظامیہ کے مطابق کرسمس کی تقریبات کے موقع پر ٹوبہ ٹیک سنگھ کے محلہ مبارک آباد اور کرسچن کالونی کے علاقوں میں زہریلی شراب پینے کے بعد درجنوں افراد کو ہسپتال میں منتقل کر دیا گیا تھا۔ ان میں سے 30 افراد اپنی جانوں کی بازی ہار گئے۔

انتظامیہ کے مطابق معاملے کی تحقیقات جاری ہیں۔ پاکستانی قوانین کے مطابق غیر مسلموں کے لئے شراب کی خریداری جائز ہے اور ان کے تہواروں کے موقع پر شراب کی قانونی اور غیر قانونی فروخت میں اضافہ دیکھنے میں آتا ہے۔