کشمیر میں بھارتی مظالم کا معاملہ دوطرفہ اور کثیر جہتی فورمز پر اٹھانے کا فیصلہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

پاکستان کی سرکردہ سیاسی اور عسکری قیادت پر مشتمل قومی سلامتی کمیٹی نے مقبوضہ کشمیر میں وحشیانہ بھارتی مظالم کا معاملہ دوطرفہ اور کثیر جہتی فورمز پر اٹھانے کا فیصلہ کیا ہے۔

یہ فیصلہ اسلام آباد میں قوم سلامتی کمیٹی کے بیسویں اجلاس میں کیا گیا جس کی صدارت وزیراعظم شاہد خاقان عباسی نے کی۔ اجلاس میں دوسروں کے علاوہ تینوں مسلح افواج کے سربراہان نے شرکت کی۔

کمیٹی نے حق خودارادیت کے لئے کشمیریوں کی منصفانہ جدوجہد کی سیاسی، سفارتی اور اخلاقی حمایت جاری رکھنے کے پاکستان کے عزم کا اعادہ کیا۔ کمیٹی نے مقبوضہ کشمیر میں بھارتی فورسز کی طرف سے دہشت گردی کی حالیہ کارروائیوں کی شدید مذمت کی جس میں بیس بے گناہ شہری شہید اور سینکڑوں مرد، خواتین اور بچے شدید زخمی ہوئے۔

قومی سلامتی کمیٹی نے وسیع تر تناظر میں علاقائی صورتحال کا بھی جائزہ لیا اور جنوبی ایشیا میں امن واستحکام کے لئے پاکستان کے کردار پر اطمینان ظاہر کیا۔

مقبول خبریں اہم خبریں

مقبول خبریں