پاکستانی فوج کی کارروائی میں لشکر جھنگوی بلوچستان کا سربراہ ہلاک

کارروائی میں ملٹری انٹیلیجنس کے کرنل سہیل بھی شہید

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

پاکستان کی سیکیورٹی فورسز نے ہزارہ برادری کے 100 سے زائد افراد کے قتل میں ملوث کالعدم لشکر جھنگوی کے اہم رہنما کو بلوچستان میں ہلاک کر دیا ہے۔

پاکستانی افواج کے شعبہ تعلقات عامہ 'آئی ایس پی آر' کے مطابق سیکیورٹی فورسز نے بلوچستان کے علاقے کلی الماس میں ایک انتہائی اہم دہشت گرد کی پناہ گاہ پر چھاپا مارا۔ اس آپریشن کے دوران کالعدم لشکر جھنگوی بلوچستان کا سربراہ سلیمان بدینی اور دو خود کش بمبار ہلاک ہو گئے۔

فوجی ترجمان کے مطابق اس کارروائی کے دوران ملٹری انٹیلیجنس سے تعلق رکھنے والے کرنل سہیل عابد نے جام شہادت نوش کیا جبکہ 4 دیگر فوجیوں کو زخمی حالت میں قریبی ہسپتالوں میں منتقل کر دیا گیا ہے۔

شہید کرنل سہیل عابد کی نماز جنازہ ان کے آبائی علاقے ویہاڑی میں ادا کی جائے گی۔

مقبول خبریں اہم خبریں

مقبول خبریں