.

پاکستان: سعودی سفیر کا دورہ عسکری ادارہ بحالی میڈیسن، زخمی فوجیوں کی مزاج پرسی

پہلی اشاعت: آخری اپ ڈیٹ:

پاکستان کے لئے سعودی عرب کے سفیر نواف سعید المالکی نے گذشتہ روز مسلح افواج کے ادارہ بحالی میڈیسن کا دورہ کیا جہاں انھوں نے زخمی فوجیوں سے ملاقاتیں کیں اور خیریت دریافت کی۔

اس موقع پر انہیں عسکری ادارہ بحالی میڈیسن کی جانب سے پیش کردہ علاج کی سہولتوں اور بحالی کے حوالے سے فراہم کی جانے والی خدمات سے متعلق تفصیلی بریفنگ دی گئی۔ مسلح فوج کا ادارہ بحالی میڈیسن فوجی کارروائیوں میں زخمی ہونے والے حاضر سروس فوجیوں اور سویلین شہریوں کو علاج اور بحالی کی شاندار سہولت فراہم کرتا ہے۔

پاک فوج کے محکمہ تعلقات عامہ [آئی ایس پی آر] کے مطابق سعودی سفیر نے ادارہ میں زیر علاج زخمی فوجیوں کے بلند مورال پر انہیں خراج تحسین پیش کرتے ہوئے علاقائی امن قائم کرنے کے سلسلے میں ان کی قربانیوں اور خدمات کوسراہا۔