پہلے پاکستانی کو اسرائیل کے سفر کی اجازت مل گئی؟

اسرائیل سے متعلق پاکستان کی پالیسی میں کوئی تبدیلی نہیں: ترجمان دفتر خارجہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
3 منٹس read

پاکستان نے اپنے یہودی شہریوں کو نہ صرف اسرائیل جانے کی اجازت دے دی بلکہ اس اجازت کی تشہیر کرنے کی حوصلہ افزائی بھی کی ہے۔ ایسا ایک اسرائیلی طیارے کی اسلام آباد آمد کے تین ماہ کے اندر ہوا ہے۔

کثیر الاشاعت انگریزی رونامہ ’’دی نیوز‘‘ میں شائع ہونے والی نامور تحقیقاتی رپورٹر عمر چیمہ کی رپورٹ میں انکشاف کیا گیا ہے کہ 31 سالہ فشل خالد لوگوں کے علم میں پہلا پاکستانی ہے جسے اسرائیل کا سفر کرنے کی اجازت دی گئی ہے۔

فشل خالد کراچی کا رہائشی اور اپنے مذہبی عقائد کا کھل کر اظہار کرتا ہے۔ اس کے والد مسلمان اور ماں یہودی ہیں۔ اس نے خود یہودیت اختیار کی۔ اس نے نادرا میں خود کو یہودی رجسٹرڈ کرایا۔ اس کے باقی چار بھائی مسلمان ہیں۔ پاکستان میں 700 سے 800 تک یہودی آباد ہیں۔

ایک یہودی صحافی کی اسرائیلی طیارے کی تل ابیب سے اسلام آباد آمد کے بارے ٹوئیٹ کے تین ماہ بعد جس کی حکومت نے سختی سے تردید کی فشل نے ایپ کے ذریعے وزارت امور خارجہ کو اجازت نامے کے لئے درخواست دی۔

گذشتہ دو جنوری کو وزارت امور خارجہ نے ٹیلی فون کال کےذریعے آگاہ کیا کہ وہ پاکستانی پاسپورٹ پر مقبوضہ بیت المقدس جا سکتے ہیں۔ میں اسرائیلی سفارت خانے سے ویزے کے لئے درخواست دے رہا ہوں جس پر فشل نے وزارت خارجہ کے ترجمان ڈاکٹر فیصل کا شکریہ ادا کیا۔

ٹویٹ وفاقی وزیر اطلاعات فواد چوہدری، ڈائریکٹر جنرل آئی ایس پی آر میجر جنرل آصف غفور اور پیپلز پارٹی کے چیئرمین بلاول بھٹو زرداری کو بھی ٹیگ کیا گیا۔ جب تبصرے کے لئے ڈاکٹر فیصل سے رابطہ کیا تو انہوں نے لاعلمی ظاہر کی اور ٹویٹ شیئر کرنے اور اس کا جائزہ لے کر بات کرنے کے لئے کہا۔ لیکن انہوں نے جواب میں کوئی کال کی اور نہ ہی کی جانے والی کال کا کوئی جواب دیا۔

تاہم معتبر ذرائع نے بتایا کہ فشل کو ٹوئیٹ کرنے کی ڈاکٹر فیصل کے دفتر ہی سے حوصلہ افزائی ہوئی۔ رابطہ کرنے پر فشل خالد نے کوئی تبصرہ کرنے کے بجائے کہا کہ وہ تنازع میں پڑ کر اپنی کوششوں کو رائیگاں جانے دینا نہیں چاہتے۔

فشل نے اسرائیل کے سفر کی اجازت کے لئے درخواست دی تو اس کی یہ درخواست چیف سیکرٹری سندھ کو بڑھا دی گئی تاکہ درخواست گزار کے پس منظر کی جانچ پڑتال کی جا سکے جس کےبعد درخواست وزیراعظم دفتر بھیج دی گئی جہاں سے منظوری مل گئی۔ فشل خالد پاکستانی پاسپورٹ پر اسرائیل کیسے جا سکتا ہے؟ جبکہ پاسپورٹ پر قطعی طور پر درج ہے کہ ’’پاکستانی پاسپورٹ کا حامل اسرائیل نہیں جا سکتا۔‘‘

پاکستان کی اسرائیل سے متعلق پالیسی برقرار

درایں اثنا ہفتہ وار بریفنگ کے دوران پاکستانی دفتر خارجہ کے ترجمان ڈاکٹر محمد فیصل نے وضاحت کی ہے کہ اسرائیل سے متعلق پاکستان کی پالیسی میں کوئی تبدیلی نہیں۔

یاد رہے پاکستان اور اسرائیل کے درمیان سفارتی تعلقات کے حوالے خبریں تواتر کے میڈیا کی زینت بن رہی ہیں جس کے بعد عوامی حلقوں میں یہ تاثر زور پکڑتا جا رہا تھا کہ امکانی طور پر اسلام آباد، تل ابیب سے سفارتی راہ ورسم استوار کرنا چاہتا ہے۔

مقبول خبریں اہم خبریں

مقبول خبریں