جنرل ندیم رضا کی سعودی فرمانروا شاہ سلمان بن عبدالعزیز سے ملاقات

پاکستان فوج کی جوائنٹ چیفس آف سٹاف کمیٹی کے چیئرمین جنرل ندیم رضا سعودی عرب کے دورے پر ہیں، جہاں انہوں نے سعودی فرمانروا شاہ سلمان سے ملاقات کی۔

پاک فوج کے شعبہ تعلقات عامہ (آئی ایس پی آر) کے مطابق ملاقات میں باہمی دلچسپی کے امور دفاعی شعبے میں تعاون کے مختلف آپشنز پر بھی بات چیت کی گئی۔ چیئرمین جوائنٹ چیفس آف سٹاف کمیٹی جنرل ندیم رضا اور سعودی عرب کے فرمانروا شاہ سلمان بن عبد العزیز کے درمیان ہونے والی اہم ملاقات کے دوران باہمی دلچسپی کے امور پر گفتگو کی۔

اس موقع پر وزیر داخلہ شہزادہ عبد العزیز بن سعود بن نائف، نائب وزیر دفاع شہزادہ خالد بن سلمان، شاہ سلمان کے نائب سیکرٹری تمیم بن عبد العزیز، اسلام آباد میں سعودی ملٹری اتاشی کرنل عوض بن عبد اللہ الزہرانی اور ریاض میں پاکستان کے سفیر راجہ علی اعجاز بھی موجود تھے۔