.

اسلام آباد انتظامیہ نے امریکی سفارتخانے کا تحفظات پر مبنی بیان مسترد کر دیا

پہلی اشاعت: آخری اپ ڈیٹ:

پاکستان کے دارالحکومت اسلام آباد میں واقع امریکی سفارت خانے نے امریکی شہریوں کو جاری کیئے گئے بیان کے ذریعے خبردار کیا ہے کہ وفاقی دارالحکومت اسلام آباد میں اسٹریٹ کرائم میں حالیہ دنوں میں اضافے کی اطلاعات موصول ہوئی ہیں۔

اسلام آباد کی پولیس نے امریکی سفارت خانے کی جانب سے دارالحکومت میں اسٹریٹ کرائم میں حالیہ اضافے کے بارے میں جاری کئے گئے بیان کو مسترد کر دیا ہے اور کہا ہے کہ یہ معلومات مفروضوں پر مبنی ہے جبکہ مذکورہ علاقوں میں اس طرح کا کوئی واقعہ نہیں ہوا ہے۔

جاری کئے گئے بیان میں امریکی سفارت خانے کا کہنا ہے کہ زیادہ تر جرائم کے واقعات اسلام آباد کے سیکٹر G-6، F-6، F-7، F-10، I-9، اور I-10 میں ہوئے ہیں، ان وارداتوں میں اسٹریٹ کرائم، چوری، مسلح ڈکیتی کی وارداتیں، موبائل فون، پرس اور گاڑیوں کی چوری شامل ہے۔
ڈپٹی کمشنر اسلام آباد حمزہ شفقات نے بھی سماجی رابطے کی ویب سائٹ ٹویٹر پر جاری کئے گئے بیان میں کہا ہے کہ وہ پچھلے تین سالوں کے اعداد و شمار کا موازنہ شیئر کر رہے ہیں۔