.

پاکستان میں کرونا سے اموات میں اضافہ، 64 افراد جاں بحق

پہلی اشاعت: آخری اپ ڈیٹ:

پاکستان بھر میں کرونا وائرس کی وبا [کووڈ 19]سے ہلاکتوں کی تعداد میں ایک مرتبہ اضافہ دیکھا جارہا ہے اور گزشتہ 24 گھنٹوں کے دوران مزید 64 افراد جاں بحق ہوگئے ہیں۔

ملک میں کرونا وائرس سے نمٹنے کے لئے بنائے جانے والے نیشنل کمانڈ آپریشن سنٹر [ این سی او سی ]کے مطابق گزشتہ 24 گھنٹوں کے دوران ملک بھر میں کرونا کے مجموعی طور پر 40 ہزار 473 ٹیسٹ کیے گئے، اور اب تک مجموعی طورپر 90 لاکھ 97 ہزار 413 ٹیسٹ کئے جاچکے ہیں۔

ملک بھر میں مزید ایک ہزار519 کرونا کیسز سامنے آئے ہیں، اس طرح ملک میں اب تک 5 لاکھ 85 ہزار 435 افراد میں اس وائرس کی تشخیص ہوچکی ہے۔

سندھ 2 لاکھ 58 ہزار904، پنجاب میں ایک لاکھ 74 ہزار191، اسلام آباد میں 44 ہزار921، خیبر پختونخوا میں 73 ہزار7، بلوچستان میں 19 ہزار 84، آزاد کشمیر میں 10 ہزار 371 اور گلگت بلتستان میں 4 ہزار 957 افراد کرونا سے متاثر ہوچکے ہیں۔

سرکاری اعداد و شمار کے مطابق گزشتہ 24 گھنٹوں میں کرونا کے مزید 64 افراد زندگی کی بازی ہار گئے، اس طرح پاکستان میں کرونا سے اموات کی مجموعی تعداد13 ہزار76 تک پہنچ گئی ہے۔

کرونا کے سبب سب سے زیادہ اموات پنجاب میں ہوئی ہیں جہاں 5 ہزار480 افراد جان کی بازی ہار چکے ہیں جب کہ سندھ میں 4 ہزار 388، خیبر پختونخوا میں 2 ہزار96، اسلام آباد میں 503 ، گلگت بلتستان میں 102، بلوچستان میں 200 اور آزاد کشمیر میں 307 افراد جان کی بازی ہار چکے ہیں۔

گزشتہ 24 گھنٹے میں ملک بھر میں 987 افراد کرونا سے صحت یاب ہوئے اس طرح ملک بھر میں کرونا سے صحت یاب افراد کی تعداد 5 لاکھ 55 ہزار 242 ہوگئی ہے۔ ملک بھر میں اس وقت کرونا کے مصدقہ فعال مریضوں کی تعداد 17 ہزار117 ہے، جن میں سے 1559 مریضوں کی حالت تشویش ناک ہے۔