وزیر مذہبی امور نور الحق قادری کی شیخ الأزهر سے ملاقات

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

پاکستان کے وزیر مذہبی امور نور الحق قادری نے اپنے وفد کے ہمراہ گذشتہ روز مصر کی معروف درس گاہ الأزهر الشريف کے سربراہ پروفیسر ڈاکٹر احمد الطیب سے قاہرہ میں ملاقات کی۔

جامعہ الازہر کے ٹویٹر ہینڈل پر ملاقات سے متعلق جاری تفصیلات کے مطابق مصر کے مفتی اعظم نے پاکستانی وزیر سے گفتگو کرتے ہوئے کہا کہ جامعہ الأزهر الشريف امت اسلامیہ کی خدمت میں کوئی دقیقہ فروگزاشت نہیں کرے گی۔ انھوں نے کہا کہ جامعہ الازہر عالمی سطح پر مختلف دینی حلقوں اور اداروں کے ساتھ مربوط انداز میں رابطہ کرتی ہے تاکہ دنیا بھر میں اسلام کا درست پیغام پہنچایا جا سکے۔

اس موقع پر نور الحق قادری نے مختلف مذاہب کے درمیان مکالمہ اور افھام وتفھیم کے لیے الأزهر الشريف کے پلیٹ فارم سے کی جانے والی کوشش کی تحسین کی۔ انھوں نے بتایا کہ پاکستان نے ہمیشہ جامعہ الازہر کے فتاوی سے استفادہ کیا ہے۔

وزیر مذہبی امور نے بتایا کہ ان کی وزارت کے زیر انتظام ایک کتاب شائع کی گئی ہے جس میں مسلمانوں اور غیر مسلمانوں کے درمیان تعلقات کو واضح کیا گیا ہے۔ اس کتاب کا ایک نسخہ الأزهر الشريف پیش کیا جائے گا تاکہ نظر ثانی کے بعد اس کا دوسری زبانوں میں ترجمہ کرایا جا سکے۔

مقبول خبریں اہم خبریں

مقبول خبریں