یوم پاکستان کے موقع پر مسلح افواج کی اسلام آباد میں شاندار مشترکہ پریڈ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

یوم پاکستان کے سلسلے میں فوجی پریڈ اسلام آباد کے شکر پڑیاں گراؤنڈ میں منعقد ہوئی جس میں تینوں مسلح افواج نے اپنی فوجی قوت کا مظاہرہ کیا۔

یوم پاکستان کے کی پریڈ میں تینوں مسلح افواج اور دیگر سیکیورٹی فورسزکے دستوں نے مارچ پاسٹ میں حصہ لیا، لڑاکا طیاروں نے فضاء میں کرتب دکھائے۔ پریڈ دیکھنے والوں میں حکومتی و عسکری شخصیات، غیر ملکی سفارت کار اور عام شہری شامل تھے۔ صدر مملکت ڈاکٹر عارف علوی نے پریڈ کا معائنہ کیا۔ اس موقع پر کورونا وائرس سے بچاؤ کی احتیاطی تدابیر (ایس او پیز) کا خیال رکھا گیا۔

خواتین کے فوجی دستے مارچ پاسٹ کر رہے ہیں
خواتین کے فوجی دستے مارچ پاسٹ کر رہے ہیں

جڑواں شہروں میں سیکیورٹی کے خصوصی انتظامات کیے گئے تھے۔ مخصوص علاقوں میں صبح 5بجے سے دوپہر 12بجے تک موبائل فون سروس بند رہی جبکہ کمرشل پروازوں کے لیے فضائی حدود بھی بند رہی۔

ایس ایس جی کمانڈو کا خوبصورت انداز
ایس ایس جی کمانڈو کا خوبصورت انداز

پتنگ بازی، ہوائی فائرنگ اور کبوتر بازی بھی پر بھی مکمل پابندی کی گئی۔ 1000سے زائد پولیس اہلکار تعینات کیے گئے جبکہ اسلام آباد اور راولپنڈی میں عام تعطیل کی گئی۔

پریڈ گراؤنڈ کے قریب بلند عمارتوں کی چھتوں پر کھڑے ہونے پر مکمل پابندی تھی، مسلح افواج اور پولیس کے دستے فیض آباد اور ارگرد کے علاقوں میں تعینات کیے گئے۔ علاوہ ازیں سٹی ٹریفک پولیس نے پریڈ کے لیے خصوصی ٹریفک پلان جاری کیا، رات 12کے بعد ہیوی ٹریفک کے داخلہ پر مکمل پابندی تھی۔

 صدر پاکستان پریڈ کا معائنہ کر رہے ہیں
صدر پاکستان پریڈ کا معائنہ کر رہے ہیں

صدر پاکستان ڈاکٹر عارف علوی نے یوم پاکستان پریڈ میں پوری قوم کو یوم پاکستان کی مبارکباد دیتے ہوئے کہا عظیم الشان پریڈ کے انعقاد پر قوم افواج پاکستان کو مبارکباد پیش کرتی ہے، دوست ممالک اور دیگر شرکا کا بھی شکرگزار ہوں، دوست ممالک ترقی اور خوشحالی میں ہمارے ساتھ ہیں، ہم دفاعی صلاحیت میں خود مختاری حاصل کرچکے ہیں، 7سال کےقلیل عرصے میں مسلمانان برصغیر آزادی کی نعمت سے سرفراز ہوئے۔

مقامی طور پر تیارکردہ ڈرون
مقامی طور پر تیارکردہ ڈرون

صدر پاکستان نے کہا جنگ ہو یا اندرونی خلفشار، دہشت گردی ہو یا قدرتی آفت عوام اور افواج نے وطن کی حفاظت میں کردار ادا کیا ہے، پاک فوج نے آپریشن ردالفساد میں دہشت گردی کے نیٹ ورک کو نیست و نابود کیا۔

شاہین ٹو میزائل جو ہر طرح کا وار ہیڈ دو ہزار کلومیٹر تک لے جانے کی صلاحیت رکھتا ہے
شاہین ٹو میزائل جو ہر طرح کا وار ہیڈ دو ہزار کلومیٹر تک لے جانے کی صلاحیت رکھتا ہے
مقبول خبریں اہم خبریں

مقبول خبریں