پاکستانی وزیر ماحولیات نے سعودی ولی عہد کے اعلان کردہ منصوبوں کو اہم قرار دیا

اسلام آباد میں سعودی عرب کے سفیر نواف بن سعید المالکی نے پاکستان کے وفاقی وزیر برائے ماحولیات ملک امین اسلم سے ان کے دفتر میں ملاقات کی۔ ملک امین وزیر اعظم عمران خان کے خصوصی معاون بھی ہیں۔

ملاقات کے دوران میں مملکت سعودی عرب اور اسلامی جمہوریہ پاکستان کے درمیان خصوصی تعلقات اور مشترکہ دل چسپی کے امور زیر بحث آئے۔

اس موقع پر ملک امین اسلم نے سعودی ولی عہد شہزادہ محمد بن سلمان کی جانب سے اعلان کردہ دو منصوبوں "گرین سعودی عرب" اور "گرین مڈل ایسٹ" کو سراہا۔ پاکستانی وزیر نے ان منصوبوں کو ماحولیات کے تحفظ کے لیے اہم قرار دیا۔