.
کرونا وائرس

پاکستان میں کرونا کا ہلاکت خیز دن، 103 اموات

3953 نئے مثبت کیسز سامنے آئے، شرح 8٫4 رہی

پہلی اشاعت: آخری اپ ڈیٹ:

پاکستان میں کرونا وائرس سے نمٹنے کے لئے بنائے جانے والے قومی ادارے نیشنل کمانڈ اینڈ آپریشنز سنٹر [این سی او سی] کے مطابق گزشتہ روز کرونا وائرس سے ہلاکتوں کی تعداد 103 تک پہنچ گئی جس کے بعد پاکستان میں کرونا سے ہلاک ہونے والوں کی کل تعداد 14 ہزار 924 تک پہنچ گئی۔

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 3 ہزار 953 نئے کیسز رپورٹ ہوئے۔ اس وقت مجموعی طور پر پنجاب میں 2 لاکھ 35 ہزار 569، سندھ میں 2 لاکھ 66 ہزار 926، خیبر پختونخوا میں 93 ہزار 33، بلوچستان میں 19 ہزار 855، گلگت بلتستان میں 5 ہزار 61، اسلام آباد میں 62 ہزار 211 جبکہ آزاد کشمیر میں 13 ہزار 529 کیسز رپورٹ ہوئے۔

اس کے علاوہ گزشتہ روز 46 ہزار 665 ٹیسٹ لئے گئے اور ریزلٹ مثبت آنے کی شرح 8٫4 فی صد رہی۔