عراقی فارن سروس انسٹیٹیوٹ اور فارن سروس اکیڈمی پاکستان کے درمیان تعاون کا معاہدہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

عراقی فارن سروس انسٹیٹیوٹ اور فارن سروس اکیڈمی پاکستان کے درمیان پیشہ وارانہ تربیت میں تعاون کا معاہدہ طے پا گیا_

اس سلسلے میں ایک مفاہمتی یادداشت پر ڈائریکٹر جنرل فارن سروسز اکیڈمی عمران مرزا اور عراقی انسٹیٹیوٹ آف فارن سروس کے ڈین اور انڈر سیکرٹری ڈاکٹر صالح حسین علی ال تمیمی نے دستخط کئے-

اس موقع پر وزیر خارجہ مخدوم شاہ محمود قریشی، سیکرٹری خارجہ سہیل محمود اور پاکستان میں تعینات عراقی سفیر حامد عباس لفطہ بھی موجود تھے_

فوٹو بشکریہ فیس بک پیچ فارن آفس پاکستان
فوٹو بشکریہ فیس بک پیچ فارن آفس پاکستان

مفاہمتی یادداشت کے مطابق فارن سروسز اکیڈمی عراقی سفراء/ ڈپلومیٹس کو سفارت کاری کی تربیت فراہم کرے گی_

تقریب سے خطاب کرتے ہوئے شاہ محمود قریشی نے کہا کہ مجھے خوشی ہے کہ پاکستان کی فارن سروسز اکیڈمی اب تک 63 عراقی ڈپلومیٹس کو عملی سفارت کاری کی تربیت دے چکی ہے_

انھوں نے کہا کہ ڈپلومیٹس کی تربیت کے حوالے سے یہ مفاہمتی یادداشت، دونوں ممالک کے درمیان اداروں کی سطح پر روابط کے فروغ میں معاون ثابت ہو گی_

مقبول خبریں اہم خبریں

مقبول خبریں