پاکستان کے وزیراعظم عمران خان نے مائیکرو سافٹ کے بانی بل گیٹس کو موسمیاتی تبدیلی کے حوال سے خط لکھا۔
تفصیلات کے مطابق وزیراعظم عمران خان نے سعودی ولی عہد کے بعد مائیکرو سافٹ کے بانی بل گیٹس کو بھی خط لکھا ہے، جس میں عمران خان نے موسمیاتی تبدیلی کے خطرات پر کتاب لکھنے پر بل گیٹس کو خراج تحسین پیش کیا۔
وزیراعظم نے اپنے خط میں کہا ہے کہ پاکستان ان ممالک میں ہے جہاں موسمیاتی تبدیلی کے خطرات زیادہ ہیں اور موسمی خطرات سے نمٹنے اور بچاؤ کیلئے پاکستان اقدامات کررہا ہے، آئیں مل کر دنیا کو موسمیاتی تبدیلی کے خطرات سے بچائیں۔
وزیراعظم نے خط میں لکھا کہ پاکستان کاربن کی کمی کیلئےمتبادل توانائی کےمنصوبےشروع کررہاہے، بلین ٹری سونامی، نیشنل پارکس،کلین گرین کے پروگرام جاری ہیں، پاکستان نے لاتعداد گرین جابز دیں، 10 لاکھ ایکڑ جنگلات کو محفوظ بنایا، پاکستان موسمیاتی تبدیلی کے خطرات کم کرنے کیلئے بھرپور تعاون کو تیار ہے، پوری دنیا کو موسمیاتی خطرات کو بھانپتے ہوئے ہنگامی اقدامات کرنا ہوں گے۔
واضح رہے کہ گزشتہ ماہ وزیراعظم عمران خان نے سعودی ولی عہد محمد بن سلمان کو بھی خط لکھا جس میں عمران خان نے سعودی حکومت کی جانب سے مملکت میں 10 ارب اور خطے میں 50 ارب درخت لگانے کے فیصلے کی تعریف کرتے ہوئے کہا کہ سعودی عرب اور پاکستان کے بلین ٹری سونامی پروگرام میں مماثلت ہے، سال 2014ء سے 2018ء کے دوران ہم نے ایک ارب درخت لگائے، 2023ء تک 10 ارب درخت لگانے کا منصوبہ ہے۔
-
وزیر اعظم عمران خان نے ابو ظبی کے ولی عہد کے نام پر سڑک کا افتتاح کر دیا
پاکستان کے وزیر اعظم عمران خان نے صوبہ خیبر پختونخوا کے ضلع مہمند میں 42 کلومیٹر طویل شیخ محمد بن زاید آل نھیان شاہراہ کا افتتاح کیا ہے۔متحدہ عرب ... پاكستان -
ابوظبی کے ولی عہد کا عمران خان سے دوطرفہ تعلقات، علاقائی اورعالمی امور پر تبادلہ خیال
ابوظبی کے ولی عہد شیخ محمد بن زاید آل نہیان نےجمعرات کو اسلام آباد کا ایک روزہ دورہ کیا ہے اور وزیراعظم عمران خان سے ملاقات میں دوطرفہ تعلقات کو مضبوط ... پاكستان -
سعودی وزیرخارجہ کی وزیراعظم عمران خان اور شاہ محمود قریشی سے ملاقات
سعودی عرب کے وزیر خارجہ شہزادہ فیصل بن فرحان آل سعود ایک روزہ دورے پر جمعرات کو اسلام آباد پہنچے ہیں۔انھوں نے وزیراعظم عمران خان اور وزیر خارجہ شاہ ... پاكستان