بین الاقوامی اسلامی یونیورسٹی میں مسجد سلمان بن عبدالعزیز تعمیر کی منظوری
مسجد میں جدید اسلامی تحقیقاتی مرکز بنیں گے جہاں جدید علوم پر ریسرچ ہو گی
سعودی عرب فیصل مسجد اسلام آباد کی طرح بین الاقوامی اسلامی یونیورسٹی میں 80 کنال پر محیط مسجد سلمان بن عبدالعزیز تعمیر کرے گا۔
وزیراعظم کے نمائندہ خصوصی برائے مشرق وسطیٰ طاہر اشرفی نے ہفتے کے روز لاہور میں نیوز کانفرنس سے خطاب کرتے ہوئے بتایا کہ ’سعودی عرب نے فیصل مسجد کی طرز پر بین الاقوامی اسلامی یونیورسٹی کے اندر 12 ہزار نمازیوں کی گنجائش پر مبنی 80 کنال پر مسجد تعمیر کرے گا۔ مسجد میں دس ہزار مرد جبکہ دو ہزار خواتین کے لیے نماز پڑھنے کی گنجائش ہوگی۔‘
مسجد الملك سلمان بن عبدالعزيز آل سعود
— نواف بن سعيد المالكي (@AmbassadorNawaf) April 30, 2021
صرح ومعلم جديد في #اسلام_آباد لخدمة الإسلام والمسلمين
مقدم من حكومة مولاي #خادم_الحرمين_الشريفين
الملك سلمان بن عبدالعزيز آل سعود حفظه الله ورعاه. pic.twitter.com/3L9yJmaWoO
انھوں نے بتایا کہ ’اس مسجد میں جدید اسلامی تحقیقاتی مرکز بنیں گے جن میں جدید علوم پر ریسرچ ہو گی اور اس سے طلبا مستفید ہوں گے۔ اس سے پاک سعودی تعلقات میں بہتر پیش رفت ہوگی۔‘
انھوں نے کہا کہ ’وزیر اعظم کے دورے سے قبل اسلامی یونیورسٹی کے طلبا و طالبات اور مسلمانان پاکستان کے لیے تحفہ ہے۔ وزیر اعظم کے دورہ سعودی عرب سے پہلے اس تحقفے پر سعودی حکومت کا شکریہ ادا کرتے ہیں اور اس تحفے کا خیر مقدم کرتے ہیں۔‘

سعودی سفیر نواف بن سعید المالکی کا کہنا ہے کہ ’اسلام آباد میں جدید طرز تعمیر کی شاہ سلمان بن عبد العزیز آل سعود مسجد، اسلام اور مسلمانوں کی خدمت میں خادم حرمين شريفين سلمان بن عبدالعزیز کی جانب سے تحفہ ہے۔‘