.

5 مزید افغان فوجی افغانستان کے حوالے کر دیئے: آئی ایس پی آر

پہلی اشاعت: آخری اپ ڈیٹ:

پاکستان فوج کے شعبہ تعلقات عامہ(آئی ایس پی آر ) نے کہا ہے کہ 5 مزید افغان فوجیوں کو افغانستان کی حکومت کے حوالے کر دیا ہے۔

افغان فوجیوں کو ضروری کارروائی کے بعدبدھ کی شام 5 بجکر 45 منٹ پر باجوڑ نواپاس کے ذریعے افغان حکومت کے حوالے کیا گیا۔

آئی ایس پی آر کے مطابق افغان فوجیوں نے پاکستان سے چترال ارندو سیکٹر پر پناہ کیلئے درخواست کی تھی۔

آئی ایس پی آر کے مطابق ضروری ضابطہ کی کارروائی کے بعد افغان فوجیوں کوپاکستان میں داخل ہونے کی اجازت دے دی گئی تھی۔ تمام فوجیوں کو ہتھیاروں اور آلات سمیت افغان حکام کے حوالے کر دیا گیا ہے۔

گذشتہ روز بھی پاکستان نے پانچ افسران سمیت 46 افغان فوجیوں کو افغان حکام کے حوالے کیا تھا۔