عرب پارلیمانی وفد کی وزیر خارجہ، چئیرمین سینیٹ سے ملاقات

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

پاکستانی دارالحکومت اسلام آباد کے دورے پر موجود عرب پارلیمنٹ کے وفد نے وزیر خارجہ شاہ محمود قریشی سے ملاقات کی۔

عرب پارلیمنٹ کے صدر عادل بن عبدالرحمن کی قیادت میں آنے والے وفد سے ملاقات کے دوران شاہ محمود قریشی نے کہا کہ پاکستان کے عرب ممالک کے ساتھ بہترین تعلقات ہیں، پاکستان، مشرقِ وسطی میں امن و استحکام کا خواہاں ہے۔

شاہ محمود نے کہا کہ ہم اتحاد امہ میں مثبت کردار ادا کرنے کے لیے پر عزم ہیں، تنازعات کے دیرپا سیاسی حل کے لیے مذاکرات کو واحد حل سمجھتے ہیں۔

اس سے قبل عرب پارلیمنٹ کا وفد پارلیمنٹ ہائوس پہنچا تھا جہاں چیئرمین سینیٹ صادق سنجرانی کی جانب سے عرب پارلیمنٹ کے وفد کا استقبال کیا گیا تھا۔چیئرمین سینیٹ سے عرب پارلیمنٹ کے صدر عادل بن عبدالرحمن کی ملاقات ہوئی، ملاقات کے دوران دو طرفہ پارلیمانی امور پر تبادلہ خیال کیا گیا۔دونوں رہنمائوں صادق سنجرانی اور عادل بن عبدالرحمن کی ملاقات کے دوران ادارہ جاتی تعاون کو فروغ دینے پر بھی اتفاق کیا گیا تھا۔

مقبول خبریں اہم خبریں

مقبول خبریں