.
کرونا وائرس

پاکستان: کرونا وائرس سے حفاظت کے بوسٹر ٹیکے کی قیمت مقرر

پہلی اشاعت: آخری اپ ڈیٹ:

حکومت پاکستان نے بیرون ملک سفر کرنے والوں کے لیے کرونا ویکسین کی بوسٹر خوراک کی قیمت مقرر کر دی ہے۔

وزرات صحت نے کرونا وائرس پر قابو کے لئے پالیسی ساز ادارےنیشنل کمانڈ اینڈ آپریشنز سنٹر[ این سی او سی] کی سفارشات کے مطابق بیرون ملک سفر کرنے والوں کو مخصوص کرونا ویکسی نیشن سینٹرز میں اضافی (بوسٹر) خوراک لگائی جائے گی۔

نوٹیفکیشن میں کہا گیا ہے کہ بیرونی ممالک جانے والوں کے لیے ویکسینز کے بوسٹر [اضافی خوراک] کی قیمت 1270 روپے فی خوراک مقرر کی گئی ہے۔

وزارت قومی صحت کے مطابق اس ویکسین بوسٹر کی قیمت کی ادائیگی نیشنل بینک آف پاکستان کی کسی بھی برانچ میں کی جاسکتی ہے۔

واضح رہے کہ کئی ممالک نے داخلے کے لیے کرونا کی چینی ویکسین لگوانے والوں کے لیے اضافی خوراک کی شرط عائد کر رکھی ہے۔