.

کشمیری رہنما سید علی گیلانی کی میت چھیننا قابل مذمت اقدام ہے: عمران خان

پہلی اشاعت: آخری اپ ڈیٹ:

پاکستان کے وزیر اعظم عمران خان نے کشمیری حریت رہنما سید علی گیلانی کی میت چھیننے کی مذمت کرتے ہوئے کہا ہے کہ مودی حکومت آر ایس ایس اور نازی نظریے سے متاثر ہے۔

سماجی رابطے کی ویب سائٹ ٹوئٹر پر اپنی ٹویٹ میں بھارتی فوج کی جانب سے سید علی گیلانی کی میت چھننے کی مذمت کرتے ہوئے وزیر اعظم عمران خان نے کہا ’’کہ 92 سالہ سید علی گیلانی کی میت چھیننا اور پھر ان کے اہل خانہ کے خلاف مقدمات کا اندراج بھارتی فاش ازم کی شرمناک مثال ہے۔

وزیر اعظم نے مزید کہا کہ سید علی گیلانی کشمیر کے سب سے قابل احترام اور اصول پسند رہنما تھے۔ بھارت کے ان اقدامات سے ظاہر ہوتا ہے کہ مودی حکومت آر ایس ایس اور نازی نظریے سے متاثر ہے۔