فوجی مشقوں میں شرکت کے لیے سعودی بحریہ کے دستوں کی کراچی آمد

سعودی بحریہ کی دستے پاک بحریہ کے ساتھ مشترکہ فوجی مشقوں میں شرکت کے لیے سنیچر کے روز پاکستان پہنچ گئے جہاں ان کا شاندار استقبال کیا گیا۔

العربیہ کے نامہ نگار کے مطابق مشقوں میں سعودی بحریہ کے جہاز شریک ہوں گے۔ نمائندے نے مزید بتایا کہ سعودی فورسز کے یونٹ آج ساحلی شہر کراچی پہنچ گئے۔

سعودی عرب کی بری اور بحری افواج ماضی میں بھی پاکستانی فورسز کے ساتھ کئی مرتبہ مشقوں میں حصہ لے چکی ہیں۔ یہ مشقیں دونوں ملکوں کے درمیان مضبوط تعلقات کے جلو میں ہوتی ہیں۔

سعودی وزیر خارجہ شہزادہ فیصل بن فرحان نے رواں سال جولائی میں اسلام آباد کا دورہ کیا تھا۔ اس موقع پر انہوں نے باور کرایا تھا کہ پاکستان کے ساتھ مملکت کے مضبوط تعلقات اور روابط کئی دہائیوں پر متشمل ہیں۔

شہزادہ فیصل نے زور دے کر بتایا تھا کہ اسلام آباد کے ساتھ تعلق کو بڑھانے پر مسلسل کام ہو رہا ہے۔