.

امام کعبہ ڈاکٹر ماہر المعیقلی اور گورنر پنجاب کی ملاقات میں پاک۔سعودی تعلقات پر گفتگو

پہلی اشاعت: آخری اپ ڈیٹ:

گورنر پنجاب چودھری محمد سرور کی امام کعبہ شیخ ڈاکٹر ماہر المعیقلی سے ملاقات ہوئی جس میں پاک سعودی تعلقات سمیت دیگر امور پر بات چیت کی گئی۔

گورنر پنجاب چودھری سرور نے سماجی رابطے کی ویب سائٹ پر ٹوئٹ کیا جس انہوں نے امام کعبہ شیخ ڈاکٹر ماہر المعیقلی سے ملاقات کی تصاویر شیئر کیں۔

ملاقات میں امام کعبہ نے کہا کہ پاکستان اور سعودی عرب کسی صورت ایک دوسرے سے دور نہیں رہ سکتے۔ پاکستان سعودی عرب کی طاقت ہے۔ دونوں ممالک کے دل ساتھ دھڑکتے ہیں۔

شیخ ڈاکٹر ماہر المعیقلی نے مزید کہا کہ سعودی عرب تمام مسلمانوں کی محبت کا محور ہے۔ دعا ہے اللہ پاکستان کی حفاظت فرمائے جبکہ پاکستان عوام کے پیار اور محبت کو الفاظ میں بیان نہیں کیا جاسکتا، ہم پاکستان کیساتھ کھڑے ہیں۔

گورنر پنجاب کا کہنا تھا کہ پاکستان اور سعودی عرب میں تاریخ، ثقافت اور مذہب پر مبنی گہرے اور دوستانہ تعلقات ہیں۔ الحمد للہ! سعودی عرب کیساتھ برادرانہ اور مضبوط تر ین تعلقات پر 22 کروڑ پاکستانی فخر کر تے ہیں۔

وزیر اعظم عمران خان کی قیادت میں پاکستان کے ساتھ سعودی عرب کیساتھ تعلقات مزید مضبوط ہو رہے ہیں جبکہ پاکستان اور سعودی عرب ہر مشکل وقت میں ہمیشہ ایک دوسرے کیساتھ کھڑے ہوتے ہیں۔