سعودی وزیر خارجہ او آئی سی اجلاس میں شرکت کے لیے اسلام آباد پہنچ گئے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کے وزیر خارجہ شہزادہ فیصل بن فرحان سعودی وفد کے ہمراہ پاکستان پہنچ گئے ہیں۔ شہزادہ فیصل بن فرحان سعودی عرب کی جانب سے افغانستان کے حوالے سے اسلامی تعاون تنظیم (او آئی سی) کے وزرائے خارجہ کے خصوصی اجلاس میں شرکت کے لیے اسلام آباد پہنچے ہیں۔

حکومتی اعلامیے کے مطابق پاکستان آمد پر سعودی وزیر خارجہ کا استقبال وفاقی وزیر اعظم سواتی اور وزیر اعظم کے نمائندہ خصوصی برائے مشرق وسطیٰ حافظ طاہر اشرفی نے کیا۔ او آئی سی کے وزرائے خارجہ کا افغانستان پر خصوصی اجلاس اتوار کو اسلام آباد میں ہو رہا ہے۔

او آئی سی وزرائے خارجہ اجلاس میں رکن مماملک کے وزرائے خارجہ اقوام متحدہ، یورپی یونین اور بین الاقوامی مالیاتی اداروں کے نمائندوں سمیت امریکہ، چین، روس، جرمنی، اٹلی، جاپان اور فرانس کے مندوبین شریک ہوں گے۔

افغانستان کی عبوری حکومت کا نمائندہ وفد بھی وزیر خارجہ کی سربراہی میں کانفرنس میں شرکت کر رہا ہے۔ کانفرنس سے وزیراعظم عمران خان خصوصی خطاب کریں گے۔

مقبول خبریں اہم خبریں

مقبول خبریں