سعودی ترقیاتی فنڈ نے پاکستان میں جمع 3 ارب ڈالر کی میعاد ایک سال بڑھادی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

بینک دولت پاکستان (ایس بی پی) نے اعلان کیا ہے کہ سعودی عرب کے ترقیاتی فنڈ (ایس ایف ڈی) نے اپنے تین ارب ڈالر کے ڈپازٹ کی میعادمزید ایک سال بڑھانے کی تصدیق کردی ہے۔

بینک دولت پاکستان نے سماجی رابطے کی ویب سائٹ ٹویٹر پر اپنے پیغام میں کہا کہ اس رقم کی موجودہ مدت 5 دسمبرکو ختم ہونے والی تھی اور یہ مرکزی بینک کے پاس زرِمبادلہ کے ذخائرکے حصے کے طور پر جمع کرائی گئی تھی۔

اسٹیٹ بینک کا کہنا ہے کہ یہ فیصلہ سعودی عرب اور پاکستان کے درمیان مضبوط اور خصوصی تعلقات کی عکاسی کرتا ہے۔

سعودی عرب کی جانب سے پاکستان میں اس خطیر رقم کی منتقلی کا سمجھوتا نومبر2021 میں طے پایا تھا۔اس کا مقصد اسٹیٹ بینک کے زرِمبادلہ کے ذخائر کو بہتربنانا تھا۔

اس معاہدے پر ایس ایف ڈی کے چیف ایگزیکٹو آفیسر(سی ای او)سلطان بن عبدالرحمٰن المرشد اور اسٹیٹ بینک کے سابق گورنر ڈاکٹررضا باقر نے کراچی میں دست خط کیے تھے۔

واضح رہے کہ اکتوبر2021ء کے آخری ہفتے میں سعودی عرب نے پاکستان کواپنی مالی امداد بحال کرنے پراتفاق کیا تھا۔اس میں قریباً 3 ارب ڈالر کے محفوظ ذخائراورمؤخرادائی پر 1.2 ارب ڈالر مالیت کے تیل کی برآمدات شامل تھیں۔ یہ معاہدہ اسی ماہ سابق وزیراعظم عمران خان کے سعودی عرب کے دورے کے موقع پرطے پایا تھا۔

مقبول خبریں اہم خبریں

مقبول خبریں