وزیر اعظم پاکستان کی ولی عہد محمد بن سلمان کو وزیر اعظم کے عہدے پر تقرری کی مبارکباد

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

وزیراعظم پاکستان محمد شہباز شریف نے سعودی عرب کے ولی عہد شہزادہ محمد بن سلمان بن عبدالعزیز آل سعود کو وزیر اعظم کے عہدے پر تقرری کی مبارکباد دیتے ہوئے ان کے لئے نیک خواہشات کا اظہار کیاہے۔

بدھ کو اپنے ایک ٹوئٹ میں وزیراعظم نے کہاکہ "میں اپنے بھائی ولی عہد شہزادہ محمد بن سلمان بن عبدالعزیز آل سعود کو سعودی عرب کے وزیر اعظم کے طور پر تقرری کے موقع پر مبارکباد پیش کرتا ہوں، میں ان کی کامیابی اور برادر ملک سعودی عرب کے لیے خادمِ حرمین شریفین شاہ سلمان بن عبدالعزیز آل سعود کی قیادت میں مزید ترقی اور خوشحالی کے لیے دعا گو ہوں۔"

سعودی فرمانروا شاہ سلمان بن عبدالعزیز نے منگل کے روز سعودی کابینہ میں ردو بدل کرتے ہوئے ولی عہد شہزادہ محمد بن سلمان کو وزیر اعظم مقرر کیا ہے۔

سعودی شاہی فرمان کے مطابق "عزت مآب شہزادہ محمد بن سلمان بن عبدالعزیز آل سعود، ولی عہد، حکمرانی کے بنیادی قانون کے آرٹیکل (چھپن) اور کابینہ کے قانون میں شامل متعلقہ دفعات سے استثناء کے طور پر وزیراعظم ہوں گے۔"

متن کے مطابق کابینہ کے اجلاسوں میں شاہ سلمان شرکت کریں گے اوران کی صدارت وہ کریں گے۔ وزراء کی کونسل کی شہزادہ محمد بن سلمان کے زیرقیادت تنظیم نو کی گئی ہے۔

مقبول خبریں اہم خبریں

مقبول خبریں