سر سے پائوں تک کرپٹ شخص دوسروں پر الزامات لگا رہا ہے: نواز شریف

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

پاکستان مسلم لیگ (ن)کے قائد اور سابق وزیر اعظم میاں محمد نوازشریف نے کہا ہے کہ سر سے پائوں تک کرپٹ شخص دوسروں پر الزامات لگا رہا ہے، جلد وہ دن آئے گا جب عمران خان اپنے منطقی انجام کو پہنچے گا۔

سابق وزیر اعظم نے ہفتے کے روز میڈیا نمائندوں سے گفتگو کے دوران کہا کہ "عمران خان کسی ایک منصوبے کا نام بتائیں جس کی بنیاد انہوں نے رکھی ہو یا جس کے بارے میں یہ فخر سے کہہ سکیں کہ یہ منصوبہ ہم نے شروع کیا تھا اور پایہ تکمیل تک پہنچایا،ایک بتائیں، ایک، کوئی نام ہے تو بتادو بھائی ۔"

سابق وزیر اعظم نے چیرمین پاکستان تحریک انصاف پر تنقید کرتے ہوئے کہا کہ "پشاور میں میٹرو بس بنائی جو کہ نقائص سے بھر پور ہے اوراس پر رقم بھی بہت زیادہ خرچ ہوئی اور اس پر نیب کا کیس بنا لیکن ختم کروادیا گیا اوراس کو آگے چلنے ہی نہیں دیا گیا۔ بلین ٹری منصوبہ اور القادر ٹرسٹ کی تفصیل سامنے آئی ہے اور مزید بھی آئے گی، لوگوں کے رونگٹے کھڑے ہوں گے۔ یہ50، 50 ارب روپے کی کرپشن ہے، اس کی انکوائری آگے ہو گی۔"

نواز شریف کا مزید کہنا تھا کہ" اللہ تعالیٰ نے وزیر اعظم میاں محمد شہبازشریف ،شریف فیملی اور مسلم لیگ (ن)کو سرخرو کیا ہے۔عمران خان او ر شہزاد اکبر نے جھوٹے الزامات لگا ئے تھے،ان الزامات پر برطانوی اخبار ڈیلی میل نے معافی مانگی کہ ہماری خبر جھوٹی تھی اورہمیں کوئی ثبوت نہیں مل سکا۔جومنی لانڈرنگ، کرپشن ، مس یوز آف آفس ، مس یوز آف فنڈز اور کک بیک کے الزامات عمران خان اور شہزاد اکبر کے کہنے پر انہوں نے شہباز شریف پر لگائے تھے۔"

مقبول خبریں اہم خبریں

مقبول خبریں