بھارت نے شنگھائی تعاون تنظیم کے وزرائے خارجہ کے اجلاس میں شرکت کے لیے پاکستان کے وزیر خارجہ بلاول بھٹو زرداری کو دعوت دے دی ہے۔ شنگھائی تنظیم کا اجلاس مئی میں متوقع ہے۔
بھارتی میڈیا رپورٹس کے مطابق شنگھائی تنظیم کی کانفرنس جو بھارت میں متوقع ہے پاکستان اور بھارت کے درمیان تعلقات کی سرد مہری کے ماحول میں ایک بہتری کا امکان کر سکتی ہے۔
وزیر خارجہ بلاول بھٹو کو یہ دعوت پاکستان کے وزیر اعظم میاں شہباز شریف کی بھارت کے ساتھ مسئلہ کشمیر سمیت تمام تنازعات پر بات چیت کرنے کا عندیہ دیے جانے کے بعد دی گئی ہے۔
چند ہفتے قبل بلاول بھٹو نے بھارتی وزیراعظم نریندر مودی کے لیے اقوام متحدہ کی سلامتی کونسل میں انتہائی سخت الفاظ استعمال کیے تھے۔
بلاول بھٹو زرداری کی طرف سے گجرات میں مسلمانوں کے قتل عام پر انہیں گجرات کا قصائی قرار دیا تھا۔ بھارت کی طرف سے بلاول بھٹو کے ان ریمارکس کو ' غیر مہذب ' قرار دیا تھا۔
تاہم شنگھائی تنظیم کی کانفرنسمیں شرکت کی اس دعوت کے سلسلے میں دونوں طرف سے ترجمان دفتر خارجہ نے ابھی تک کوئی تبصرہ نہیں کیا ہے۔
