عمران خان کی گرفتاری، اسلام آباد پولیس زمان پارک پہنچ گئی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

چیئرمین تحریک انصاف عمران خان کی گرفتاری کے لئے اسلام آباد پولیس زمان پارک لاہور پہنچ گئی۔

ٹیم ایس پی سٹی اسلام آباد حسین طاہر کی سربراہی میں لاہور پہنچی ہے، اسلام آباد پولیس نے عمران خان کی گرفتاری کےلئے لاہور پولیس کی معاونت کےلئے درخواست دے دی۔

ایس پی سٹی حسین طاہر کچھ دیربعد ٹیم کے ہمراہ زمان پارک پہنچ گئی ۔ پولیس ذرائع کا کہنا ہے کہ اسلام آباد پولیس کی ٹیم توشہ خانہ کیس میں سابق وزیر اعظم کو گرفتار کرنے آئے ہیں۔

تحریک انصاف کے رہنما سینیٹر اعجاز چودھری نے کہا ہے کہ جب تک عمران خان کی کی قانونی ٹیم نہیں آجاتی ہم ان کو زمان پارک کے اندر جانے نہیں دیں گے۔ انھوں نے کہا کہ ہماری وکلاء کی ٹیم کا انتظار کیا جائے پھر نوٹس لیا جائے گا۔

دوسری طرف تحریک انصاف کے رہنما فواد چودھری نے ایک ٹویٹ کے ذریعے خبردار کرتے ہوئے کہا ہے کہ عمران خان کی گرفتاری کی کوئی بھی کوشش حالات کو شدید خراب کردے گی۔

انھوں نے کہا کہ میں اس نااہل حکومت اور پاکستان دشمن حکومت کو خبردار کرنا چاہ رہا ہوں کہ وہ پاکستان میں مزید بحران میں نہ دھکیلے اور ہوش سے کام لے۔

انھوں نے تحریک انصاف کے کارکنان کو زمان پارک پہنچنے کی ہدایت کی۔

مقبول خبریں اہم خبریں

مقبول خبریں