حارث رؤف کی عمرہ ادائی، بابراعظم نے ’مسجد نبویؐ حاضری‘ کی تصویر شیئر کردی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

پاکستان کرکٹ ٹیم کے آل راؤنڈر حارث رؤف نے عمرہ ادائیگی کی سعادت حاصل کر لی جبکہ کپتان بابراعظم نے مسجد نبویﷺ حاضری کی تصویر شیئر کردی

بابراعظم نے ٹوئٹر پر مسجد نبویؐ پر حاضری کی تصویر شیئر کرتے ہوئے ایک نعتیہ مصرع ’’بعد از خدا بزرگ توئی ۔۔۔ قصہ مختصر‘‘ بھی تحریر کر کے آقائے دو جہاںؐ سے اپنی محبت وعقیدت کا اظہار کیا۔

دوسری جانب قومی کرکٹ ٹیم کے آل راؤنڈر حارث رؤف نے المسجد الحرام سے اپنی ایک تصویر سوشل میڈیا پر شیئر کی جس میں وہ احرام پہنے ہوئے ہیں۔

ساتھی کھلاڑیوں اور پرستاروں کی جانب سے دونوں قومی کرکٹرز کو عمرہ ادائی پر مبارکبادوں کیساتھ نیک خواہشات کا اظہار کیا جا رہا ہے۔

واضح رہے کہ افغانستان کے خلاف سیریز میں بابراعظم اور حارث رؤف کو آرام دیا گیا تھا جبکہ بابر اعظم کی جگہ شاداب خان کو ٹیم کی قیادت سونپی گئی تھی۔

عمرہ سے واپسی پر بابر اعظم اور حارث رؤف نیوزی لینڈ کے خلاف سیریز کی تیاریوں کے لیے اپنی ٹریننگ کا آغاز کریں گے۔

مقبول خبریں اہم خبریں

مقبول خبریں