صدر اور وزیر اعظم پاکستان کی مسجد اقصیٰ پر اسرائیلی حملے کی مذمت

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

صدرپاکستان ڈاکٹر عارف علوی نے مسجد اقصیٰ میں عبادت میں مصروف فلسطینیوں پر اسرائیلی فورسز کے حملے کی شدید مذمت کرتے ہوئے اسے وحشیانہ ظلم قرار دیا۔

انہوں نے سماجی رابطے کی ویب سائٹ ٹوئٹر پر اپنے ایک بیان میں کہا کہ "افسوس کہ اسرائیل نے مذہبی مقامات کے تقدس سمیت انسانیت کے کسی بھی اصول کا خیال نہیں رکھا۔"

ڈاکٹر عارف علوی نے کہا کہ "عالمی برادری پرامن عبادت گزاروں کے خلاف اس وحشیانہ اور غیر انسانی فعل کی مذمت کرے۔"

اس سے پہلے وزیر اعظم محمد شہباز شریف نے مقبوضہ بیت المقدس میں مسجد اقصیٰ میں فلسطینی نمازیوں پر اسرائیلی پولیس کے حملے کی بھی شدید مذمت کی ہے۔

ایک ٹوئٹ میں انہوں نے کہا کہ اسرائیلی فوج کا یہ وحشیانہ حملہ ماہ رمضان کے تقدس کی پامالی ہے۔

وزیر اعظم نے کہا کہ اسرائیل کو استثنیٰ بنیادی انسانی حقوق کی خلاف ورزی کرنے میں اس کی حوصلہ افزائی کرنا ہے۔

مقبول خبریں اہم خبریں

مقبول خبریں