شمالی وزیرستان میں خودکش دھماکہ، تین سکیورٹی اہلکاروں سمیت چار افراد جاں بحق، دو زخمی

شمالی وزیرستان کی تحصیل دتہ خیل میں خودکش دھماکے کے نتیجہ میں تین سکیورٹی اہلکاروں سمیت چار افراد جاں بحق اور دو زخمی ہو گئے۔ جان کھونے والوں میں دو سکیورٹی اہلکار، ایک پولیس اہلکار اور ایک سویلین شخص شامل ہیں۔

زخمی ہونے والوں میں ایک سکیورٹی اہلکار اور ایک پولیس اہلکار شامل ہیں۔

اطلاعات کے مطابق خودکش حملہ آور نے شمالی وزیرستان کی تحصیل دتہ خیل میں لیاقت چیک پوسٹ کو نشانہ بنانے کی کوشش کی تاہم سکیورٹی اہلکاروں نے حملہ آور کو گیٹ پر ہی روک لیا اور اسی دوران خودکش حملہ آور نے خود کو اڑا لیا۔

واقعہ کے بعد سکیورٹی اہلکاروں کی بھاری نفری نے موقع پر پہنچ کر علاقہ کو گھیرے میں لے لیا ہے اور علاقہ میں سرچ آپریشن جاری ہے۔