سپریم کورٹ: مبینہ آڈیو لیکس تحقیقاتی کمیشن کے خلاف درخواستوں پر فیصلہ محفوظ

پاکستان کی عدالت عظمیٰ سپریم کورٹ آف پاکستان نے مبینہ آڈیو لیکس کی تحقیقات کے لئے قائم کمیشن کے خلاف درخواستوں پر سماعت مکمل کرتے ہوئے فیصلہ محفوظ کر لیا ہے۔

جمعہ کے روز سپریم کورٹ کے چیف جسٹس عمر عطا بندیال کی سربراہی میں پانچ رکنی لارجر بنچ نے عمران خان اور دیگر افراد کی جانب سے درخواستوں پر سماعت کی۔

جسٹس عمر عطا بندیال کی سربراہی میں قائم بنچ میں جسٹس اعجاز الاحسن، جسٹس منیب اختر، جسٹس شاہد وحید اور جسٹس اظہر رضوی شامل تھے۔

یہ بنچ حکومت کی جانب سے سپریم کورٹ کے سینئر ترین جج جسٹس قاضی فائز عیسیٰ کی سربراہی میں بلوچستان کے چیف جسٹس نعیم اختر افغان اور اسلام آباد ہائیکورٹ کے چیف جسٹس عامر فاروق کے ہمراہ تین رکنی کمیشن کی جانب سے مبینہ آڈیو لیکس کی تحقیقات کے خلاف اعتراض کی سماعت کر رہا ہے۔

حکومتی اعلان کے مطابق یہ جوڈیشل کمیشن آٹھ مبینہ آڈیوز کی تحقیقات کرے گا۔ کمیشن آڈیو لیکس کی حقیقت اور عدلیہ کی آزادی پر پڑنے والے اثرات کے بارے میں چھان بین کرے گا۔