صدر مملکت کا عام انتخابات کی تاریخ کا فیصلہ کرنے کے لیے چیف الیکشن کمشنر کو خط

ڈاکٹر عارف علوی کی جانب سے فوری یا کل جمعرات کو ملاقات کی دعوت دے دی گئی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

صدر مملکت ڈاکٹر عارف علوی نے چیف الیکشن کمشنر سکندر سلطان راجا کو عام انتخابات کی مناسب تاریخ کے تعین کے لئے خط لکھتے ہوئے ملاقات کی دعوت دے دی۔

صدر مملکت نے چیف الیکشن کمشنر کے نام خط میں آئینی تقاضے کا حوالہ دیا کہ قومی اسمبلی کی تحلیل کے بعد 90 روز کے اندر عام انتخابات ضروری ہیں۔

سماجی رابطے کی ویب سائٹ ایکس [سابقہ ٹوئٹر] پر جاری خط کی کاپی کے مطابق صدر مملکت نے کہا ہے کہ وزیر اعظم کی تجویز پر قومی اسمبلی نو اگست 2023 کو تحلیل کر دی تھی۔

انہوں نے کہا کہ آئین پاکستان کے آرٹیکل 48 کی ذیلی شق پانچ کے تحت صدر مملکت تاریخ دینے کا پابند ہے جو قومی اسمبلی کی تحلیل کے بعد عام انتخابات کے لیے 90 روز سے زیادہ نہ ہو۔

صدر مملکت نے چیف الیکشن کمشنرکو عام انتخابات کی مناسب تاریخ طے کرنے کے لیے فوری یا کل (جمعرات کو) ملاقات کی دعوت دے دی۔

مقبول خبریں اہم خبریں

مقبول خبریں