سوشل میڈیا پر دوستی، سویڈن کی خاتون نے سوات کے 23 سالہ نوجوان سے شادی کرلی

پہلی اشاعت: آخری اپ ڈیٹ:
مطالعہ موڈ چلائیں
100% Font Size

سویڈن کی خاتون سوشل میڈیا پر محبت کے بعد پاکستانی لڑکے کے لیے سوات پہنچ گئی جہاں خاتون نے اسلام قبول کرکے شادی کرلی۔

سویڈن کی 44 سالہ خاتون 23 سالہ احمد شاہ کی محبت میں سوات پہنچی ہیں۔ یانتاسات تنیارات نامی خاتون نے چار باغ کے احمد شاہ سے نکاح کرلیا۔

سویڈش خاتون یانتاسات تنیارات نے باقاعدہ طور پر اسلام بھی قبول کر لیا، جس کے بعد نیا جوڑا اسلام آباد کی طرف روانہ ہو گیا۔

احمد شاہ اور سویڈن خاتون کی دوستی سوشل میڈیا پر ہوئی تھی۔ دستاویزات کے مطابق سویڈش خاتون تین مہینے کے وزٹ ویزے پر پاکستانی آئی ہیں۔

خیال رہے کہ گذشتہ دنوں خیبر پختونخوا کے مختلف علاقوں میں غیر ملکی خواتین کی آمد اور ان کی شادیاں کرنے کی خبریں سامنے آئیں تھیں۔ جولائی میں چار غیر ملکی خواتین نے پختونخوا کے مختلف علاقوں میں رہائش پذیر نوجوانوں سے شادیاں کی تھیں۔

مقبول خبریں اہم خبریں