پاکستان سٹاک ایکس چینج میں 100 انڈیکس 58 ہزار کی نئی بلند ترین سطح چھو گیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size

پاکستان سٹاک ایکس چینج میں آج بھی تیزی کا رحجان رہا جب کہ امریکی ڈالر بھی تنزلی کا شکار ہے۔

بدھ کے روز پاکستان اسٹاک ایکس چینج میں کاروبار کا مثبت آغاز ہوا اور 100 انڈیکس 230 پوائنٹس اضافے سے 57 ہزار 600 ہو گیا۔

کاروبار کے دوران 100 انڈیکس میں 633 پوائنٹس کا اضافہ ہو گیا اور 100 انڈیکس 58 ہزار کی نئی بلند ترین سطح پر پہنچ گیا۔ بعد ازاں 100 انڈیکس میں 800 پوائنٹس سے زائد اضافہ ہوگیا اور کاروبار کے دوران 100 انڈیکس 58 ہزار 250 پوائنٹس پر پہنچ گیا، جو ایک ریکارڈ ہے۔

کاروبار کے دوران ایک موقع پر 100 انڈیکس میں 1000 پوائنٹس کا بھی اضافہ ہوا، تاہم کاروبار کے اختتام پر 100انڈیکس میں827 پوائنٹس اضافہ ہوا 100 انڈیکس 58 ہزار 198 پوائنٹس پر بند ہوگیا۔

دوسری جانب انٹربینک میں امریکی ڈالر پاکستانی روپے کے مقابلے میں ایک بار پھر تنزلی کا شکار ہوا، اور کاروبار کے آغاز پر ڈالر کی قیمت میں 53 پیسے کمی ہوئی اور انٹربینک میں ڈالر 285.25 روپے پر آ گیا۔ بعد ازاں انٹربینک میں ڈالر کی قیمت میں 78 پیسے کی کمی ہوگئی اور ڈالر 285 روپے پر آگیا۔

سٹیٹ بینک کے مطابق کاروبار کے اختتام پر انٹربینک میں ڈالر کی قیمت میں 66 پیسے کمی ہوئی اور ڈالر کا لین دین 285.12 روپے پر بند ہوا۔

واضح رہے کہ گذشتہ روز 100 انڈیکس میں 600 پوائنٹس کا اضافہ اور انٹربینک میں ڈالر کی قیمت میں 46 پیسے کمی ہوئی تھی۔

مقبول خبریں اہم خبریں