کاکول میں پاسنگ آؤٹ پریڈ، سعودی عرب کے کیڈٹ کے لیے گولڈ میڈل کا اعزاز

چیئرمین جوائنٹ چیفس آف اسٹاف کمیٹی جنرل ساحر شمشاد مرزا تقریب کے مہمان خصوصی، ترکیہ کے چیف آف جنرل اسٹاف جنرل متین گورک کی خصوصی شرکت

پہلی اشاعت: آخری اپ ڈیٹ:
مطالعہ موڈ چلائیں
100% Font Size
3 منٹس read

پاکستان ملٹری اکیڈمی (پی ایم اے) کاکول میں 149ویں لانگ کورس کی پاسنگ آؤٹ پریڈ ہوئی جس میں دوست ممالک کے 49 کیڈٹس بھی شامل تھے۔ ان میں سے سعودی عرب کے کیڈٹ نے گولڈ میڈل حاصل کیا۔

سنیچر کو آئی ایس پی آر کی جانب سے جاری پریس ریلیز کے مطابق سعودی کیڈٹ فہد بن عقیل نے اس موقعے پر کہا کہ ’میں پاکستان کی پرتپاک مہمان نوازی پر شکریہ ادا کرتا ہوں۔ پاکستان اور سعودی عرب برادرانہ ممالک ہیں جن کی شاندار تاریخ اور روشن مستقبل ہے۔ پاکستان ہمیشہ میرا دوسرا گھر ہے اور رہے گا۔ میں اپنے ملک میں پاکستان کا سفیر رہوں گا۔‘

پی ایم اے میں آج 149ویں پی ایم اے لانگ کورس، 14ویں مجاہد کورس، 68ویں انٹیگریٹڈ کورس اور 23ویں لیڈی کیڈٹ کورس کے کیڈٹس کی پاسنگ آؤٹ پریڈ کا انعقاد کیا گیا۔ چیئرمین جوائنٹ چیفس آف سٹاف کمیٹی جنرل ساحر شمشاد مرزا بطور مہمان جبکہ ترک جنرل سٹاف کے چیف جنرل متین گورک اس موقع پر مہمان خصوصی تھے۔

اکیڈمی کے سینیر انڈر آفیسر محمد نعمان عبداللہ کو اعزازی تلوار اور 149ویں پی ایم اے لانگ کورس کے کمپنی کے سینئر انڈر آفیسر محمد عبداللہ جاوید کو صدر کا گولڈ میڈل دیا گیا۔ چیئرمین جوائنٹ چیفس آف سٹاف کمیٹی اوورسیز گولڈ میڈل سعودی عرب کی جانب سے فرینڈلی کنٹری سینیئر انڈر آفیسر فہد بن عقیل الطوارقی الفلاج کو دیا گیا۔

سی او اے ایس کین کو 14ویں مجاہد کورس کے کورس انڈر آفیسر الیاس خان سے نوازا گیا۔ 68ویں انٹیگریٹڈ کورس کے کورس جونیئر انڈر آفیسر دانش ستار اور 23ویں لیڈی کیڈٹ کورس کے کورس انڈر آفیسر شیر بانو کو کمانڈنٹ کینز سے نوازا گیا۔

چیئرمین جے سی ایس سی نے پاس آؤٹ ہونے والے کیڈٹس اور ان کے قابل فخر والدین کو پی ایم اے میں تربیت کی کامیاب تکمیل پر مبارکباد دی۔

اس موقع پر جنرل ساحر شمشاد مرزا نے خطاب کرتے ہوئے کہا کہ ’پی ایم اے اپنے قیام سے لے کر اب تک فوج کے اعلیٰ ادارے میں شمولیت اختیار کرنے والے کیڈٹس کے لیے قیادت کا گہوارہ اور سنٹر آف ایکسی لینس بنی ہوئی ہے۔‘

ان کا کہنا تھا کہ ’گذشتہ برسوں کے دوران پی ایم اے نے متعدد غیر ملکی کیڈٹس کو بھی تربیت دی ہے جن کی شاندار کارکردگی ہے۔ آج کی پریڈ اپنے بہترین فوجی نظم و ضبط کی ایک شاندار مثال اور اکیڈمی اور پاکستان آرمی کے یکساں اخلاق کی عکاسی کرتی ہے۔‘

23ویں لیڈی کیڈٹ کورس کی کورس انڈر آفیسر شیر بانو ترک مہمان سے کمانڈنٹ کینز وصول کر رہی ہیں: آئی ایس پی آر
23ویں لیڈی کیڈٹ کورس کی کورس انڈر آفیسر شیر بانو ترک مہمان سے کمانڈنٹ کینز وصول کر رہی ہیں: آئی ایس پی آر
مہمان خصوصی ترک جنرل متین گورک پاسنگ آؤٹ کے موقع پر نمایاں کارکردگی دکھانے والے کیڈٹس میں انعامات تقسیم کر رہے ہیں: آئی ایس پی آر
مہمان خصوصی ترک جنرل متین گورک پاسنگ آؤٹ کے موقع پر نمایاں کارکردگی دکھانے والے کیڈٹس میں انعامات تقسیم کر رہے ہیں: آئی ایس پی آر
مقبول خبریں اہم خبریں

مقبول خبریں