تمام حقوق بحق العربیہ نیوز چینل محفوظ ہیں © 2019

دوست کو بھیجئے

بند کیجئے
حجاج کی خدمت پر سعودی عرب کے سیکیورٹی اہلکار لیے انعام واکرام
'یہ میری ڈیوٹی ہے' کے الفاظ ماجد بن نادر کی عزت افزائی کا سبب بن گئے
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

بدھ 18 محرم 1441هـ - 18 ستمبر 2019م
آخری اشاعت: جمعرات 13 ذوالحجہ 1440هـ - 15 اگست 2019م KSA 07:03 - GMT 04:03
حجاج کی خدمت پر سعودی عرب کے سیکیورٹی اہلکار لیے انعام واکرام
'یہ میری ڈیوٹی ہے' کے الفاظ ماجد بن نادر کی عزت افزائی کا سبب بن گئے
دبئی ۔ العربیہ ڈاٹ نیٹ

سعودی عرب میں پرخلوص انداز میں حج کے موقع پر حجاج کرام کی خدمت میں مصروف ایک سیکیورٹی اہلکار سوشل میڈیا پر شہرت حاصل کرنے کیے بعد سعودی عرب کی قیادت کی آنکھوں کا بھی تارہ بن گیا۔

العربیہ ڈاٹ نیٹ کے مطابق سعودی عرب کے وزیر داخلہ شہزادہ عبدالعزیز بن سعود بن نایف نے سیکیورٹی اہلکار ماجد بن نادر بن عبدالعزیز سے ٹیلیفون پر بات کی اور اس کی حجاج کرام کی خدمت کے جذبے کو سراہا۔

خیال رہے کہ ماجد بن نادر منیٰ کے ریلوے اسٹیشن نمبر 1 پرتعینات تھا جہاں اس نے ایک معمر عرب حاجن کی مدد کی۔ خاتون نے ماجد کے شکریہ کے طور پر اسے کچھ رقم دینا چاہی تو فرض شناس نے جواب میں کہا کہ 'اماں جی یہ میری ڈیوٹی ہے'۔ اس کے یہ الفاظ اور منظر کیمرے میں محفوظ ہو گئے اور ویڈیو کی شکل میں سوشل میڈیا پر وائرل ہوتے ہی جنگل کی آگ کی طرح پھیل گئے۔

خاتون حاجی نے ماجد بن نادر کو ایک تحفہ دیا جس پر'یہ میری ڈیوٹی ہے' کے الفاظ درج تھے۔ یہ خبر سعودی عرب کے اعلیٰ حکام تو پہنچی تو وزیر داخلہ شہزادہ عبدالعزیز بن سعود بن نایف نے ماجد بن نادر سے ٹیلیفون پر رابطہ کیا۔ اس کی حجاج کی خدمت کے جذبے کو سراہتے ہوئے اسے ایک بیش قیمت کار اور ایک لاکھ ریال نقد تحفہ دینے کا اعلان کیا۔ اس کے علاوہ وزیر داخلہ نے کہا ہے کہ ماجد کو اس کے پسندیدہ شہر میں تعینات کیا جائے گا۔ حج کی ذمہ دارایاں ختم ہونے کے بعد سیکیورٹی اہلکار ماجد بن نادر بن عبدالعزیز وزیر داخلہ سے ملاقات بھی کرے گا۔