تمام حقوق بحق العربیہ نیوز چینل محفوظ ہیں © 2019

دوست کو بھیجئے

بند کیجئے
’سوشل میڈیا پرسعودیہ کے خلاف ہرزہ سرائوں کو بے نقاب کریں گے‘
خلیجی ممالک کی پریشانیاں جلد دور ہوں گی: القحطانی
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

منگل 21 شوال 1440هـ - 25 جون 2019م
آخری اشاعت: جمعہ 25 ذیعقدہ 1438هـ - 18 اگست 2017م KSA 06:57 - GMT 03:57
’سوشل میڈیا پرسعودیہ کے خلاف ہرزہ سرائوں کو بے نقاب کریں گے‘
خلیجی ممالک کی پریشانیاں جلد دور ہوں گی: القحطانی
سعودی شاہی دیوان کے مشیر سعود القحطانی۔
العربیہ ڈاٹ نیٹ

سعودی شاہی دیوان کے مشیر سعود القحطانی نے خبردار کیا ہے کہ سوشل میڈیا پر مملکت کے خلاف سرگرم عناصر کو بے نقاب کرکے ان کے خلاف بھرپور کارروائی عمل میں لائی جائے گی۔

ان کا کہنا ہے کہ دہشت گردی کے خلاف لڑنے والے ممالک سوشل میڈیا پر سرگرم عناصر کے خلاف پوری قوت سے کارروائی کریں گے۔ بلیک لسٹ میں شامل ہر اجرتی قاتل کو بے نقاب کرکے اس کے خلاف کارروائی کی جائے گی۔

العربیہ ڈاٹ نیٹ کے مطابق مائیکرو بلاگنگ ویب سائیٹ ’ٹوئٹر‘ پر پوسٹ کردہ ایک بیان میں سعود القحطانی نے کہا کہ خلیجی ممالک کی پریشانیاں اور ان کے دکھ جلد دور ہوں گے۔ ان کا کہنا تھا کہ لوگ ہماری مشکلات کا حل بہت دور دیکھتے ہیں مگر ہمیں وہ جلد قریب نظرآ رہا ہے‘۔

القحطانی نے کہا کہ ’ٹوئٹر‘ پر بلیک لسٹ ہیش ٹیگ میں آنے والے ناموں کی چھان بین جلد شروع کی جائے گی۔ آج کے بعد ان سماج دشمن عناصر کو جس نے فالو کیا تو اس اس کے نتائج کا خود ذمہ دار ہوگا۔ انہوں نے ٹویٹر صارفین پر زور دیا کہ وہ بلیک لسٹ میں شامل اجرت پر سعودی عرب کے خلاف 'بھونکنے والوں' کو بے نقاب کرنے میں مدد کریں۔

ان کا کہنا تھا کہ سعودی عرب اور دہشت گردی کے خلاف سرگرم ان کے اتحادی جو کہتے ہیں وہ کر گزرتے ہیں۔

ادھر دوسری جانب سعودی عرب کے وزیر مملکت برائے خارجہ امور انور قرقاش نے سعودی الحقطانی کے بیان پر اپنے رد عمل میں کہا ہے کہ القحطانی کی قطری بحران کے حوالےسے آواز انتہائی موثر ہے۔ یہ درست ہے کہ دہشت گردی کے خلاف متحدہ عرب اتحاد کے خلاف سوشل میڈیا پر کرائے پر لوگ بھرتی کیے گئے ہیں۔

بحرینی وزیرخارجہ خالد بن احمد آل خلیفہ کا کہنا ہے کہ ہر دہشت گرد اور دہشت گردی کی معاون، ایجنٹ اور اجرت پر عرب ممالک کے خلاف کام کرنے والے سب بلیک لسٹ ہونے چاہئیں۔

نقطہ نظر

مزید

قارئین کی پسند