تمام حقوق بحق العربیہ نیوز چینل محفوظ ہیں © 2019

دوست کو بھیجئے

بند کیجئے
گوٹیرس کی جانب سے شام میں ہسپتالوں پر بم باری کی شدید مذمت
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

اتوار 17 ربیع الثانی 1441هـ - 15 دسمبر 2019م
آخری اشاعت: جمعہ 9 ذیعقدہ 1440هـ - 12 جولائی 2019م KSA 14:04 - GMT 11:04
گوٹیرس کی جانب سے شام میں ہسپتالوں پر بم باری کی شدید مذمت
اقوام متحدہ کے سکریٹری جنرل انتونیو گوتیریس
دبئی – العربیہ ڈاٹ نیٹ

اقوام متحدہ کے سکریٹری جنرل انتونیو گوٹیرس نے شام کے شمال مغرب میں شہریوں کو نشانہ بنانے والے فضائی حملوں کی "شدید" مذمت کی ہے۔ ان یلغاروں نے خاص طور پر طبّی مراکز اور طبی عملے" کو بھی لپیٹ میں لے لیا ہے۔

جمعرات کے روز جاری ایک بیان میں گوتیریس نے کہا کہ ان کئی (طبّی) تنصیبات کو بدھ کے روز بم باری کا نشانہ بنایا گیا۔ ان میں معرّہ النعمان میں واقع ایک ہسپتال بھی شامل ہے۔ یہ علاقے کے سب سے بڑے طبّی اداروں میں سے ایک ہے"۔

گذشتہ چند ماہ کے دوران سلامتی کونسل کے کئی اجلاسوں میں ان فضائی حملوں کو زیر بحث لایا جاتا رہا ہے۔ ان حملوں کا الزام بشار حکومت اور اس کے حلیف روس پر عائد کیا جاتا ہے۔

گوٹیرس نے یاد دہانی کراتے ہوئے کہا کہ شہریوں اور شہری انفرا اسٹرکچر جس میں طبّی تنصیبات شامل ہیں ،، ان کا تحفظ لازم ہے۔ انہوں نے باور کرایا کہ جو کوئی بھی بین الاقوامی انسانی قانون کی خلاف ورزی کا ارتکاب کرے ، اُس کا احتساب ہونا چاہیے۔

شمال مغربی شام میں بشار حکومت کی فورسز اور جنگجو گروپوں (جن میں ہيئۃ تحرير الشام سرفہرست ہے) کے درمیان بدھ کی شام سے جاری شدید جھڑپوں میں فریقین کے 100 سے زیادہ ارکان مارے جا چکے ہیں۔ ان کے علاوہ جمعرات کے روز بم باری کے نتیجے میں کم از کم آٹھ شہری جاں بحق ہو گئے۔

نقطہ نظر

مزید

قارئین کی پسند