تمام حقوق بحق العربیہ نیوز چینل محفوظ ہیں © 2020

دوست کو بھیجئے

بند کیجئے
سعودی الیکٹریسٹی ڈھائی ارب ڈالر کی لاگت سے ایک کروڑ چھوٹے میٹر نصب کرے گی
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

پیر 29 جمادی الثانی 1441هـ - 24 فروری 2020م
آخری اشاعت: اتوار 17 ربیع الثانی 1441هـ - 15 دسمبر 2019م KSA 20:41 - GMT 17:41
سعودی الیکٹریسٹی ڈھائی ارب ڈالر کی لاگت سے ایک کروڑ چھوٹے میٹر نصب کرے گی
العربیہ ڈاٹ نیٹ

سعودی عرب کی سرکاری بجلی کمپنی برقی رو کی تقسیم وترسیل کے نظام کو بہتر بنانے کے لیے مملکت بھر میں ایک کروڑ چھوٹے میٹر نصب کرے گی۔

سعودی الیکٹریسٹی کمپنی (ایس ای سی) نے اتوار کو ایک بیان میں بتایا ہے کہ اس منصوبے پر ساڑھے نو ارب ریال ( ڈھائی ارب ڈالر) لاگت آئے گی اور توقع ہے کہ یہ 2025ء تک پایہ تکمیل کو پہنچے گا۔

اس بیان کے مطابق ’’ سعودی الیکٹریسٹی کمپنی کے بورڈ آف ڈائریکٹرز نے چھوٹے میٹروں کے منصوبے کا ٹھیکا دینے کی منظوری دے دی ہے۔اس کے تحت مملکت سعودی عرب میں ایک کروڑ میٹر نصب کیے جائیں گے۔‘‘

اس منصوبے کے لیے رقوم دستیاب فنڈز اور قرضوں سے مہیا کی جائیں گی۔اس کی تکمیل سے ایس ای سی کی مجموعی کارکردگی پر ’مثبت اثرات‘ مرتب ہوں گے۔اس نے بیان میں مزید کہا ہے کہ منصوبے کے ایک تہائی کو مقامی وسائل سے پورا کیا جائے گا۔

واضح رہے کہ بجلی پیدا کرنے والی اور تقسیم کار کمپنیاں بجلی کی کھپت اور نگرانی کے لیے اپنے گھریلو اور کمرشل صارفین کے ہاں چھوٹے میٹر نصب کرتی ہیں اور ان میٹروں کے ماہانہ یا پندرہ روزہ چلنے اور صرف شدہ یونٹوں کی بنیاد پر بل جاری کیے جاتے ہیں۔سعودی الیکٹریسٹی خطۂ خلیج میں بجلی مہیا کرنے والی سب سے بڑی کمپنی ہے۔

نقطہ نظر

مزید

قارئین کی پسند