تمام حقوق بحق العربیہ نیوز چینل محفوظ ہیں © 2020

دوست کو بھیجئے

بند کیجئے
امریکا کی قیادت میں اتحاد کا داعش کےخلاف بیشتر جنگی کارروائیاں روکنے کا اعلان
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

منگل 1 رجب 1441هـ - 25 فروری 2020م
آخری اشاعت: اتوار 9 جمادی الاول 1441هـ - 5 جنوری 2020م KSA 21:55 - GMT 18:55
امریکا کی قیادت میں اتحاد کا داعش کےخلاف بیشتر جنگی کارروائیاں روکنے کا اعلان
شام کے شمالی شہر منبج میں امریکا کی قیادت میں اتحاد کی بکتر بند گاڑیاں ۔ فائل تصویر
واشنگٹن ۔ ایجنسیاں

امریکا کی قیادت میں اتحاد نے عراق اور شام میں داعش کے خلاف بیشتر کارروائیاں روکنے کا اعلان کیا ہے اور کہا ہے کہ اب ایران کے خلاف کشیدگی میں اضافے کے بعد اتحادی فورسز اور فوجی اڈوں پر توجہ مرکوز کی جارہی ہے۔

امریکا کی قیادت میں داعش مخالف اتحاد کے ترجمان نے کہا ہے کہ بعض جنگی کارروائیاں بدستور جاری رکھی جاسکتی ہیں اور جنگجوؤں کے حملوں کے ردعمل میں اپنے دفاع میں کارروائی کی جائے گی۔

دریں اثناء عراق کی پارلیمان نے ایک قرارداد منظورکی ہے۔اس میں حکومت سے کہا گیا ہے کہ وہ عراق میں تعینات تمام غیرملکی فوجیوں کی موجودگی کے خاتمے کے لیے کام کرے۔اس میں حکومت سے یہ بھی مطالبہ کیا گیا ہے کہ وہ امریکا کی قیادت میں اتحاد کی جانب سے مدد کے لیے درخواست کو منسوخ کردے۔

عراقی پارلیمان کا یہ ہنگامی اجلاس گذشتہ جمعہ کو بغداد کے بین الاقوامی ہوائی اڈے کے نزدیک گاڑیوں کے ایک قافلے پر امریکا کے ایک ڈرون حملے میں ایران کی سپاہ پاسداران انقلاب کی القدس فورس کے کمانڈر میجر جنرل قاسم سلیمانی اور عراقی ملیشیا کے لیڈر ابو مہدی المہندس کی ہلاکت سے پیدا ہونے والی صورت حال پر غور کے لیے طلب کیا گیا تھا۔

امریکی صدر ڈونلڈ ٹرمپ نے خود جنرل قاسم سلیمانی پر اس ڈرون حملے کا حکم دیا تھا۔ایران کے سپریم لیڈر آیت اللہ علی خامنہ ای ، صدر حسن روحانی اور سپاہِ پاسداران انقلاب کے متعدد سینیر کمانڈروں نے امریکا سے قاسم سلیمانی کی موت کا انتقام لینے کا اعلان کیا ہے۔

نقطہ نظر

مزید

قارئین کی پسند