تمام حقوق بحق العربیہ نیوز چینل محفوظ ہیں © 2020

دوست کو بھیجئے

بند کیجئے
کرونا وائرس سے امریکا میں دو لاکھ تک ہلاکتیں ہوسکتی ہیں: ڈاکٹر فاؤچی
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

پیر 9 شوال 1441هـ - 1 جون 2020م
آخری اشاعت: اتوار 4 شعبان 1441هـ - 29 مارچ 2020م KSA 20:15 - GMT 17:15
کرونا وائرس سے امریکا میں دو لاکھ تک ہلاکتیں ہوسکتی ہیں: ڈاکٹر فاؤچی
امریکی صدر ڈونلڈ ٹرمپ کے مشیر برائے امورِ صحت ڈاکٹر انتھونی فاؤچی (دائیں)۔ فائل تصویر
واشنگٹن ۔ ایجنسیاں

امریکا کے ایک سینیر سائنس دان اور صدر ڈونلڈ ٹرمپ کے مشیر برائے امورِ صحت ڈاکٹر انتھونی فاؤچی نے کہا ہے کہ ملک میں کرونا وائرس سے ایک سے دو لاکھ تک ہلاکتیں ہوسکتی ہیں۔

ڈاکٹر فاؤچی امریکا کے قومی ادارہ صحت میں شعبہ متعدی امراض کی تحقیق کے سربراہ ہیں۔ وہ صدر ٹرمپ کی کرونا وائرس کے بارے میں ٹاسک فورس کے اہم بھی رکن ہیں۔ انھوں نے سی این این سے گفتگو کرتے ہوئے کہا ہے کہ ’’اس مہلک وائرس سے دس لاکھ تک اموات کا تو امکان نہیں ہے اور یہ بالکل انہونی اور ناممکن سی بات ہے۔‘‘

البتہ انھوں نے یہ پیشین گوئی کی ہے اس وَبا سے ایک لاکھ سے دو لاکھ تک اموات ہوسکتی ہیں اور مزید لاکھوں افراد متاثر ہوسکتے ہیں۔

ڈاکٹر فاؤچی نے سی این این سے بات جاری رکھتے ہوئے کہا:’’ میں یہ نہیں چاہتا کہ اس تعداد کو حتمی سمجھ لیا جائے۔یہ ایک طرح کا متحرک ہدف ہے ،آپ غلط بھی ہوسکتے ہیں اور لوگوں کو گم راہ کرسکتے ہیں۔‘‘

ان سے جب کووِڈ-19 کے مرض کے ٹیسٹوں کی عدم دستیابی کے بارے میں پوچھا گیا تو انھوں نے کہا:’’اگر آپ موجودہ صورت حال کا چند ہفتے پہلے کی صورت حال سے موازنہ کریں تو اس وقت ہم کہیں زیادہ تعداد میں ٹیسٹ کررہے ہیں۔‘‘

ان سے جب یہ سوال کیا گیا کہ کب تک ٹیسٹ عام دستیاب ہوں گے اور اس کے بعد سفری اور کام کی پابندیاں کب ختم کردی جائیں گی؟ انھوں نے اس کے جواب میں یہ کہا :’’ یہ معاملہ اب ہفتوں تک محیط ہوگیا ہے۔یہ کل ہی پابندیاں ختم ہونے والی ہیں اور نہ یہ آیندہ ہفتے ختم ہو جائیں گی۔اس کام میں اس سے کچھ زیادہ وقت ہی لگے گا۔‘‘

نقطہ نظر

مزید

قارئین کی پسند