تمام حقوق بحق العربیہ نیوز چینل محفوظ ہیں © 2020

دوست کو بھیجئے

بند کیجئے
لبنان : امام مہدی اسکاؤٹس ایسوسی ایشن کے نوجوانوں کی حزب اللہ میں بھرتی
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

جمعرات 8 شعبان 1441هـ - 2 اپریل 2020م
آخری اشاعت: پیر 22 جمادی الثانی 1441هـ - 17 فروری 2020م KSA 09:33 - GMT 06:33
لبنان : امام مہدی اسکاؤٹس ایسوسی ایشن کے نوجوانوں کی حزب اللہ میں بھرتی
لندن – العربیہ ڈاٹ نیٹ

اسکاؤٹس کی عالمی تنظیم "ورلڈ آرگنائزیشن آف دی اسکاؤٹ موومنٹ" (WOSM) نے اس بات کی تحقیقات کا آغاز کر دیا ہے کہ آیا لبنانی تنظیم حزب اللہ کا "امام مہدی اسکاؤٹس ایسوسی ایشن" کے ساتھ کوئی تعلق ہے۔ مذکورہ ایسوسی ایشن کی تاسیس 1985 میں ہوئی اور اس کے ارکان کی تعداد 45 ہزار کے قریب ہے۔ ان میں نوجوان مرد اور خواتین کے علاوہ بچے اور بچیاں شامل ہیں۔ امام مہدی سکاؤٹس ایسوسی ایشن اپنے بعض ارکان کو حزب اللہ کے جنگجؤں کے طور پر بھی بھرتی کر رہی ہے۔ ایسوسی ایشن کے فیس بک پیج پر ایک تصویر پوسٹ کی گئی ہے۔ تصویر میں حزب اللہ کا ایک رکن نظر آ رہا ہے جس کے پیچھے امام مہدی اسکاؤٹس ایسوسی ایشن کا لوگو نظر آ رہا ہے۔ اس رکن کے پہلو میں دو بچے نظر آ رہے ہیں جنہوں نے مشین گن اٹھا رکھی ہے۔ ان میں ایک بچہ 12 سال سے کم جب کہ دوسرا 6 یا 7 سال کا نظر آ رہا ہے۔

امام مہدی اسکاؤٹس ایسوسی ایشن کو 1992 میں لبنان کی وزارت تعلیم کی جانب سے لائسنس دیا گیا۔ یہ ایسوسی ایشن WOSM سے منظور شدہ ہے۔

برطانوی اخبار ڈیلی میل نے اتوار کے روز اپنی رپورٹ میں کہا ہے کہ مذکورہ ایسوسی ایشن درحقیقت حزب اللہ کے نوجوانوں کا ونگ ہے۔ اسکاؤٹس ایسوسی ایشن کے ارکان کی حزب اللہ کے دہشت گردوں اور جنگجوؤں کے ساتھ تصاویر منظر عام پر موجود ہیں۔ اس کے باوجود امام مہدی اسکاؤٹس ایسوسی ایشن ابھی تک لبنان اسکاؤٹس فیڈریشن اور WOSM کی رکن ہے۔

برطانوی اخبار نے WOSM کے ترجمان ڈیوڈ وین کے حوالے سے بتایا ہے کہ اسکاؤٹس کی عالمی تنظیم کسی بھی ایسی سرگرمی کو قبول نہیں کرے گی جو اسکاؤٹس پروگرام کے استعمال کو نقصان پہنچائے۔ ان سرگرمیوں میں سیاسی مقاصد کے واسطے بچوں اور نوجوانوں کی شراکت یا اسکاؤٹس موومنٹ اور اس کے پروگراموں کو کسی بھی سیاسی جماعت کے ساتھ مربوط کرنا شامل ہے۔ ورلڈ اسکاؤٹس موومنٹ کی کانفرنس رواں سال مصر میں ہو گی۔ اس موقع پر مندوبین کے پاس موقع ہو گا کہ وہ "المہدی اسکاؤٹس ایسوسی ایشن" اور اسی طرح لبنان اسکاؤٹس فیڈریشن کے مستقبل پر نظر ڈالے۔

امام مہدی اسکاؤٹس ایسوسی ایشن کی رکنیت لبنان کے جنوب کے علاوہ بیروت اور البقاع میں حزب اللہ کے مرکزی گڑھ شمار کیے جانے والے علاقوں میں صرف شیعہ مسلمانوں تک محدود ہے۔ ایسوسی ایشن ماضی میں ان رپورٹوں کی تردید کر چکی ہے کہ اس کے نسبتا بڑی عمر کے ارکان نے حزب للہ میں ہتھیاروں کی عسکری تربیت حاصل کی۔ تاہم ایسوسی ایشن نے اس بات کو تسلیم کیا کہ اُس کے متعدد نوجوان ارکان حزب اللہ کے جنگجو بن گئے۔

مغربی انٹیلی جنس نے ایک بار انکشاف کیا کہ المہدی اسکاؤٹس ایسوسی ایشن کے 200 سے زیادہ سابق ارکان "شام میں بشار حکومت کے شانہ بشانہ لڑائی میں شریک ہیں"۔ اسی طرح ایسوسی ایشن کے فیس بک پیج پر گذشتہ ہفتے سال 2020 کا کیلنڈر پوسٹ کیا گیا۔ اس میں حزب اللہ کے سکریٹری جنرل حسن نصر اللہ کی تصویر شامل تھی۔

نقطہ نظر

مزید

قارئین کی پسند